طريقة عمل بسكويت القهوة بطريقة نادية السيد
طريقة تحضير بسكويت القهوة :-
اول حاجه هنحتاج نصف كوبايه ومعلقتين من السمنه وعليهم نصف كوبايه من الزيت وبعد كده ضفت عليهم نصف كوبايه سكر بودر او سكر بودره ونعمهم مع بعض كويس.
نضيف عليهم صفار بيضه واحده وقلبتهم مع بعض كويس ودلوقتي ضفت عليهم معلقه كبيره من النسكافيه وعليها معلقه كبيره من الميه السخنه لو عايزين تزودوا النسكافيه اللي معلقه ونصف كبيره ما فيش مشكله يعني هي معلقه معلقه او معلقة ونص.
ضفت نسكافيه بس استنيت عليه لما برد شويه عشان البيض ميتقليش او يكون مستوي وضيفته على الخليط بتاعي وقلبته مع بعض كويس.
دخلت عليهم كوبايتين وربع من الدقيق العادي وربع كوبايه من النشا ومعلقتين ونصف كبار من بودره الكاكاو الخام او الكاكاو اللي هو الاسباني او الكاكاو العضوي اللي هو الكاكاو المعلوش سكر.
وبعد كده قلبتهم مع بعض المفروض ان هي تتلم مع بعضها وتبقى قليله لو حسيته ان العجينه دي الناشفه زياده او مشققه معكم وانتم بتشتغلوا فيها او انتم بتشكلوها ممكن تزودوا عليها معلقة سمنة.
لو حسيت انها ملزقه قوي لان كل نوع بيختلف عن النوع التاني ممكن تدوها رشة دقيق .
دلوقت انا هاعاير الكوكيز كلها عشان تبقى نفس المقاس بالمعلقه صغيره اخذت معلقه صغيره كده وبعد كده باكورها على شكل كوره وبعد كده اديها شكل اسطوانه زي ما انتم شايفين قدامكم كده هي المفروض ما تبقاش ناعمه زياده قوي او تكون ملزقة اوي الاهم ان احنا يعني نراقبها شويه.
باي سكينه او خله اسنان او سبتلا او اي حاجه وهتضغطوا عليها من النص لحد يعني ضغطه بسيطه مش للاخر يعني ما تقطعهاش بسطه بسيطه تاخذ شكل حبيبات القهوه او شكل البن.
ندخلها الفرن انا بعد كده غطتها بورق شفاف ودخلتها الثلاجه لمده نصف ساعه علشان خاطر السمنه تمسك فيها يعني الكوكيز تمسك نفسها وبعد كده لما تستوي ما تفرش وكلها هيبقى نفس الحجم يعني مش واحده بتفرش وواحده تفضل ماسكه نفسها احنا دخلنا الثلاجه نصف ساعه وبعد كده دخلتها فرن على درجه حراره 175 لمده ربع ساعه بالضبط وبعد ما خرجتهاش خالص ممنوع نلمسها نهائيا الا لما تبرد لو لمسناها بتعلم هي اول ما بتبرد وبتمسك نفسها بتبقى قوامها ممتاز بتبقى متماسكه وبتبقى مقرمشه وفي نفس الوقت بتذوب في البق يعني مش اللي هي ناشفه قوي وبتقرش لا هي مقرمشه وكمان اول ما بناكلها مع الشاي او مع القهوه بتلاقوها كده ده شكل شايفين شكلها اعلي عامل ازاي وبعدين لما باقطعها بتتقطع كده بتتكسر يعني زي البسكوته بالضبط.
تاخذ من تحت الشكل ده حاجه كده سهله ولذيذه جدا مش عايزه اقولكم هتاكلوا واحده وراء الثانيه وراء الثالثه لحد ما تخلصوها يعني الكميه دي هتخلصوها على طول في ساعتها من كثر طعمها جميل مش هتاخذ منكم اكثر من نصف ساعه كده.
مقادير بسكويت القهوة
(325جرام)كوبين وربع دقيق متعدد الإستخدامات
(62 جرام)نصف كوب سكر بودره
(40 جرام)ربع كوب نشا ذره
(145جرام)نصف كوب +ملعقتين كبيره سمنه
(90 جرام)نصف كوب زيت
(15 جرام)ملعقتين ونصف كبيره كاكاو خام
(4جرام)ملعقه - (6 جرام)ملعقه ونص نيسكافيه او قهوه سريعه الذوبان وعليهم ملعقه ميه سخنه
صفار بيضه
طريقة عمل بسكويت القهوة بطريقة نادية السيد