بيت العيلة البارت الخامس

بيت العيلة
الجزء الخامس
بقلم / غادة سعيد
فجأه الباب خبط واحمد دخل والدكتور ادم قال ل لمياء . . . .
_ خلاص يا لمياء نبقي نكمل كلامنا بعدين . . . . . .
= هو في ايه يا لمياء هو الدكتور كان بيقولك ايه في حاجه ولا ايه  . . . . . .
_ ابدآ دا كان بيسألني علي حاجه بخصوص فيروز . . . . . .
= انا لقيتكم اتأخرتم جوة فا قولت اجي اشوف في ايه حسيت انكم بتتكلمو عليا . . . . .
_ وهنتكلم عليك ليه هو في حاجه ولا ايه عشان نتكلم عليك . . . . .  .
= لا ابدا اصل اول ما جبتي سيرتي لقيت دكتور ادم ندهك طلعتي معاه برة فا فهمت كده . . . . .
_ لا مكناش بنتكلم عليك . . .  . ..  . . ..
= طيب يلا عشان فيه واحده جديدة تقريبا هتحكي قصتها . . .
_ وانت بقي هتحكي امتي انا متشوقه جدا اني اسمعها . . .  . . .
= معرفش دكتور ادم مخليني اخر واحد وتقريبا فاضل واحده او اتنين هيحكوا بس  . . .  . . . .
دكتور ادم : النهارده بقي هنسمع حكاية هبة وهنحاول نشوف مع بعض حل اتفضلي يا هبة احكي
الحكاية بدأت من يوم فرحي وانا بحلم وبقول لنفسي . . . . .

يااااه اخيرآ النهاردة يوم فرحي اد ايه كنت مستنيه اليوم دا من زمان اخيرا هعيش انا وعصام في بيت واحد ومش هنفترق تاني ابدا . . . . .  . . ..

انا هبة والنهاردة يوم فرحي عقبال كل البنات وبجهز نفسي دلوقتي ورايحه الكوافير طبعا في مناسبة زي دي اختي حبيبتي وفاء هتروح معايا . . . . . .. . . .

المهم جهزنا نفسنا وعصام جه خدنا من تحت البيت ووصلنا لحد الكوافير . . . . .  . . ..

ولما وصلنا قعدنا شوية نتكلم انا ووفاء علي ما الميكب ارتيست تجهز  . . . . . . .. .   ..
_ هبة حبيبتي انا فرحانه اوي النهاردة يوم فرحك انا مش مصدقة نفسي . . .  . ..  .. . . .

_ وانا كمان فرحانة اوي بجد . . . . . . . .

_ بس انا خايفه عليكي من موضوع بيت العيلة دا عشان كله مشاكل . . . . . .. . .

_ لا متقلقيش عصام واهله ناس محترمين وبيحبوني جدا

_ ياحبيبتي الخطوبة غير الجواز لما تعاشريهم وتعرفيهم وتقعدي معاهم غير لما تزوريهم مرة كل شهر . . .  . . .. . 

قاطعت كلامنا الميكب ارتيست . . . . . . . . .

_ انا جاهزة اتفضلي . .. . . .. . . . .

دخلت عملت الميكب والشعر ولبست الفستان . . .. . . . . .

وفاء بقت واقفه منبهرة ب جمالي . . . . . . . . . . .

_ زي القمر ياحبيبتي ربنا يسعدك . . ..  .. . . .

وصل عصام ولما شافني مكنش مصدق نفسه  من جمالي . . . . . . ..

واخدني وروحنا العربيه  . .. . . . . . . . ..

_ ايه الجمال ده انا مش مصدق اننا النهارده هنبقي في بيت واحد

_ وانا كمان والله فرحانة اوي ... . . . . . . .

وصلنا القاعه والفرح كان جميل ووصلنا علي بيتنا ومامته وباباه واخواته ومراتتهم رحبوا بينا بالزغاريط فالبيت . . . .  . ..

والساعه ٦ الصبح لقيت جرس الباب بيرن . . . . . . .

قومت مفزوعه مين الي جايلنا فالوقت ده. . .. . . . . .

_ميين...

محدش بيرد . . . . . . .

جريت صحيت عصام وكنت مخضوضه قوم في حد بيخبط ومش بيرد . . . . . . . . . .

صحي وكان عادي مش مخضوض وكأن ده الطبيعي ورجعلي قالي دي ماما بتصحيكي . . . . . . .. .

_ تصحيني انا ليه

_ عشان تنزلي تحت مع سلايفك تجهزوا الفطار وتعملوا البيت....

_ فطار ايه الي هجهزه انا لسه عروسه جديده . . . . . ..

_ والله هو دا اسلوبنا هنا الي تتجوز تخدم ابويا وامي . . . . .. . .

بقيت سامعه الكلام وانا مش مصدقه نفسي وكأن كلام وفاء فعلا كان صح دخلت الحمام غيرت هدومي عشان انزل اشوف البلاوي الي مستنياني تحت دي ودخلت اسرح شعري وانا خارجه لقيت حماتي فاتحه الباب بتاع الشقه
. . . . .  . . .

لقيتها قاعده فالانتريه وبتنادي عليا . . . . . ..  ..

_ صباح الخير ياعروسه كل دا نوم انتي مش عرفه ان في فطار...

_ صباح النور ياطنط . .. . . . . . . . . .

_ طنط مين ياحبيبتي انتي خلاص بقيتي مرات ابني تناديني ب ماما . .. .  . . .. .

_ حاضر ... بس حضرتك دخلتي هنا ازاي...

_ هو ايه الي ازاي دخلت بالمفتاح طبعا وكل المفاتيح بتاعة الشقق هنا معايا بدخل وقت ما اعوز واخد الي عايزاه . . . . . . . .

فضلت اسمع الكلام وانا مزهولة من الي بسمعه هو في ناس كده للدرجه دي مفيش عندهم حاجه اسمها خصوصية . . . . . . .

_ انتي هتفضلي وقفالي كده انزلي يلا شوفي سلايفك بيعملوا ايه .. . . . . . . . .

نزلت وسيبتها فوق في شقتي لقيت سلايفي الاتنين واقفين الي بتروق والي بتمسح ومجهزين الاكل عالنار . . . . .. .  ..

سلمت عليهم ولقيتهم بيقولولي . . . . . . . ..

_ انتي وقعتي تحت ايد الي مبيرحمش هنا . . . . . . .

_ قصدكم ايه . .. . .  . ..

_ شششششش وطي صوتك احنا هنا فالهم دا من سنين وبنصحي من الفجر ونفسنا نتطلق لكن اهلنا رافضين . . . . . .. .

بيعاملونا زي الحيوانات نخدمهم حتي اخواتهم البنات بيقعدوا زي الهوانم واحنا نخدم عليهم . . . . . ..

فجأه دخلت اختهم هي اكبر مني بس لسه متجوزتش . . . ..  . .

_ انتوا واقفين تتودودوا في ايه وكل ده الفطار لسه مجهزش

لقيت سلايفي الاتنين اتفزعوا وجريوا يكملوا شغلهم وانا الوحيده الي واقفه مش مصدقه الي بسمعه يعني انا خلاص بقيت خدامة عند دول انا كنت ملكة في بيت اهلي . . . . . 

كتابات ل ghada saeed

_ انتي واقفه تبصيلي كده ليه ياهبة متشوفي سلايفك بيعملوا ايه ولا اقولك اعمليلي فنجان قهوه لحد ما الفطار يجهز .  . . . . . .

=، قهوة ايه الي اعملهالك

_ قهوة مظبوطه . .. .   ..

= لا ياحبيبتي انا مش بسألك سكرك ايه انا بقولك مين دي الي تعملك قهوة انتي اتجننتي هو انا جايه اخدمك ولا ايه . . . . .  .

_ انتي كمان بتقولي عليا مجنونه

لقيتها بدأت تمسك فيها وتضربني وسلايفي يشدوني منها ومامتها وعصام نزلوا علي صوتنا  . . . .

_ تخيلوا بتقول عليا مجنونه عشان طلبت منها قهوة . . . . . .

_ في ايه يا هدي دي لسه عروسه جديدة برضه .. . . . . .

_ كده ياعصام سايب اختك تتهزق ومبتجبش حقي . . . .  ..

= حتي لو مش عروسه جديده انا مش جاية هنا اخدم حد لازم كلكم تفهموا كده . . . . . .

ورحت سيباهم وطالعه فوق بيتي ولقيت عصام طالع ورايا . . . .  . . .

_ ايه المشاكل الي بتعمليها دي من اول يوم ما كل سلايفك اهم بقالهم سنين بيخدموا ومحدش فيهم اشتكي . . . .. .

_ سلايفي حريين في نفسهم لكن انا مش هعمل حاجه لحد بالاجبار انا ممكن ابقي اساعد مامتك كده زوقيآ مني لكن مش كل يوم اصحي من الفجر والاقيها داخله شقتي عليا تفتش في حاجتي. . .. .. .  . .

_ والله هو دا نظامنا عاجبك عاجبك مش عاجبك انتي حره...

_ انا حره ازاي انا مش مصدقه ان انت عصام الي حبيته وسيبت كل الدنيا عشانه فالاخر بتتخلي عني بسهوله

_ امال عوزاني امي تغضب عليا . . . . .

_ لا مش عوزاها تغضب عليك بس الاسلوب دا مش هينفع معايا واختك دي تكلمني باحترام....

_ طيب خلاص بقي متزعليش دا حتي النهارده اول يوم جواز لينا مش عاوزين ننكد علي بعض فيه..

فجأه لقيت تليفوني بيرن وفاء اختي بتتصل  قولت اكيد بتطمن عليا....

_ ايوه يا وفاء   ....

لقيت صوتها منهار من العياط.

_ الحقيني ياهبة.....

_ الحقيني ياهبة

_ في ايه ياوفاء مالك

_ بصحي بابا عشان يقوم يفطر مبيردش عليا الحقيني وماما نزلت تشتري حاجات ومعهاش تليفون...
انا مش عارفه اتصرف بابا قاطع النفس....

_ انا جيالك حالا....

فجأه باب الشقه اتفتح وانا منهارة لقيت حماتي داخله وشافتني ....

_ في ايه يابت مالك

_ بابا مبيردش علي وفاء وقاطع النفس انا لازم اروحلها حالا...

_ انتي اتخبلتي عاوزه تنزلي يوم صباحيتك الجيران يقولو ايه علينا

_ جيران ايه وزفت ايه بقولك بابا قاطع النفس....

_ كلم انت مراتك ياعصام وشوف بقي الناس هتقول عليك ايه لما يشوفوا مراتك نازله....

_ ماما عندها حق يا هبة الناس هنا مش بتسكت....

_ هو انتوا بتقولوا ايه مش عاوزني انزل اشوف بابا طب انا بقي هنزل بالعافيه

جريت عالباب لقيتها خرجت من برة وقفلت بالمفتاح ...

وانا وعصام جوة...

_ افتحلي الباب ابوس ايدك اختي منهارة ....

فضلت اتحايل عليه ساعه لحد ما وافق قبل ما انزل اتصلت ب اختي...

كتابات ل ghada saeed

_ وفاء انتي فين انا جيالك اهو

_ خلاص ياهبة متتعبيش نفسك ملوش لزوم مجيك

_ ليه بابا بقي كويس

_ بابا تعيشي انتي

_ انتي بتهزري صح انتي بتقولي ايه...

فجأه التليفون وقع من ايدي واعدت اصوط وادعي عليهم كلهم انهم مخلونيش انزل ....

عصام نزل عند مامته يبلغها بالخبر وانا نزلت وراه عشان اروح بيت بابا سمعته من عالباب بيقول ل امه ان بابا مات...

_ خلاص نروح كلنا احنا برضو ناس بتفهم فالاصول...

جم كلهم علي بيت بابا وماما واختي كانوا منهارين وانا كنت حاسه كأني بحلم معقوله بابا امبارح كان في فرحي والنهاردة منلاقيهوش معانا..

اليوم عدا وهما ماشيين لقيت حماتي جايه تقولي

_ يلا يا وفاء عشان تروحي بيتك

_ لا انا هبات هنا مع ماما عشان العزا بكرة

_ لا ابقي تعالي بكرة معندناش بنات تبات برة بيتها

_ مهو دا بيتي كمان وبعدين هو حضرتك شايفه ان وقته الكلام دا

لقيت ماما اتدخلت فالكلام وقالتلي روحي وتعالي بكرة

روحت معاهم وانا مش طيقاهم ولا طايقه نفسي...

واحنا راجعين لقيت حماتي بتقولي...

_ اعملي حسابك ان بكرة برضوا مفيش بيات برة البيت ....

بصيتلها ومردتش عليها خالص كنت في وادي تاني...

عدا تاني يوم العزا خلص وروحت معاهم فعلا عشان مفيش فيا دماغ للمشاكل....

بس الي استغربتله اني لقيتها تاني يوم ب كل بجاحه بتفتح باب الشقه وبتدخل عليا اوضه نومي تصحيني...

قومت من النوم مفزوعه ....

_ ايه دا انتي نايمه بهدومك السوده...

_ ايوة انا حرة وبعدين هو انتي ازاي تدخلي كده عليا...

_ ياعيني عليك ياعصام ياحبيبي مراتك من تاني يوم جواز لبسالك الاسود ..... ..  .. . . . . .

يلا ياحلوه عشان تجهزي الفطار مع سلايفك مش كل يوم هاجي اصحيكي واعملي حسابك من الساعه ٥ الصبح كل يوم الاقيكي تحت عندي..... . . . . . . . .

_ ليه ان شاء الله اصحي من ٥ الفجر كل يوم دنا لو خدامه مش هصحي ٥ الفجر

_ هو دا اسلوبنا عاجبك اهلا وسهلا مش عاجبك الباب يفوت جمل

قعدت افكر بجديه في موضوع الطلاق بس فالوقت الحالي صعب عشان موت والدي ..... . . . .. . . .
وامي لسه مصدومه اروح كمان اقولها ان انا هتطلق دي تموت فيها.... . . . . .. . .

قررت ان انا هستسلم للامر الواقع واشوف هعمل ايه....

نزلت تحت عند سلايفي وكانت اخته العقربة تحت عماله تزعقلهم .... ..  ..  . . . .

كل الي جه في بالي ..

ازاي البت دي متجوزتش لغاية دلوقتي اكيد وراها سر او مصيبه وانا هفضل وراها لحد ما اعرفه وساعتها اكسر عنيها بيه ومتجيش جنبي تاني

خلاص انا قررت اراقبها واشوفها ماسكه التليفون علي طول تكلم مين فالبلكونه . . . . . . . . . .

وانا واقفه لقيتها بتقولي اعمليلي فنجان قهوة ولا عاوزه تاخدي علقه محترمه تاني . . . .. . . . .  .

دخلت اعمل القهوة ودخلتهولها البلكونه وانا خارجه سمعتها بتكلم حد وبتضحك اوي فالتليفون قولت اقف اسمعها بتكلم مين والي حسبته فعلا لقيته...

اتصدمت من الي سمعته ومبقتش مصدقه وداني
يتبع




وضع القراءة :
حجم الخط
+
16
-
تباعد السطور
+
2
-