لم يخبرني احد الجزء الاول

هل هناك وجع أكثر من أن يقف الكلام في حنجرتك  إن أظهرته ندمت وإن أبقيته تألمت مش لاقية كلام انسب من ده عشان احكي أنا عارفة الي بقوله مش هيغير أي حاجة بس ممكن اساعد اي حد أنه ميغلطش نفس الغلطة دي عمري ما تخيلت انصح حد طول عمري اسمع النصيحة بس الاختيار مهم اوي لازم نختار بعقولنا 

أنا هند عندي اخت توأم اسمها هنا ومع إننا توأم بس عمرنا مكنا شبه بعض في اي حاجة حتي عمرنا ما اتفقنا بابا وماما مش أغنياء بس عيشونا كويس دخلونا مدارس خاصة واشتراكلنا في نادي وكنا بنلعب العاب رياضيه كتير لحد ما وصلنا منتخب مصر نأشئين تحت ١٨سنة في كرة السلة  
طول عمري نفسي اعيش قصة حب زي الي في الأفلام  واحب زميلي في المدرسة ونكبر ونتجوز   كان عندي صحاب ولاد كتير عكس هنا اختي الي مكنش في دماغها غير المذاكرة المهم لما دخلت ثانوية عامة قلت لازم أركز عشان اجيب مجموع ومش هصاحب تاني ولا عاوزة ادخل علاقات مفهاش غير تضيع وقت وقررت اقطع علاقتي بكل اصحابي الولاد واعمل زي هنا أركز في مذاكرتي
 
في يوم في عيد ميلاد واحدة صاحبتنا كان في ولد وسيم جدا الي خلاني التفت ليه أنه فضل باصص عليا طول العيد ميلاد بس مكلمنيش وعدي العيد ميلاد وبعدها بشهرين  سافرنا رحلة تبع النادي أنا وصحابي في الفريق وكان معانا بابا وماما الرحلة كانت اسبوع وكانت حلوة اوووي وفيها مغامرات حلوة الي حصل في الرحلة أن الولد الي كان بيبصلي في العيد ميلاد كان موجود في الرحلة وساعدني في شيل الشنط وانا مكنتش اعرف اسمه او اي حاجة ولا كنت فاكره أنه الي كان في العيد ميلاد

 وعدت الرحلة ورجعنا من اجازة نصف السنة عالمدرسة
وانا في المدرسة في رقم كان عمال يتصل بيا كتير وانا مش عارفة ارد عشان الحصص ولما اليوم الدراسي انتهي 
في رسالة جاتلي لاني كنت قفلت التليفون بس اول ما فتحتها لقيت الكلام ده (أنا باسم انتي ممكن تكوني متعرفنيش بس انا اعرفك كويس أنا شفتك في عيد ميلاد ليلي ولما سافرنا الجفتون كنت معاكي في الرحلة أنا معجب بيكي ممكن تردي )أنا بطني وجعتني أنا معرفش مين ده ولا جاب رقمي منين ده مش بيبطل رن أنا خائفة ارد عليه حتي استجمعت قوتي وقلت لازم أوجه ورديت أيوة حضرتك مين وجبت رقمي منين..
باسم أنا معجب بيكي 
أنا المفروض اعمل ايه انا مليش في الارتباط والحجات دي قالي بس انا معجب بيكي وقعدت اقفل السكة وكده
قررت اعمل تلفوني سيلينت خفت بابا أو ماما يشوف الرقم تحصل مشكلة  وفضلت مش عارفة اعمل ايه 
مش بيبطل رن خالص   يوم واثنين وثلاثة مش بيزهق 

لحد اليوم الرابع مرنش وقلت خلاص الحمد لله كده مش هيتصل بس معرفش ليه كنت مبسوطة أن في حد بيحاول يكلمني وانا بصده كتير تقريبا الاهتمام بيفرق معانا كلنا  علي الرغم اني شفت صوره عالفيس بوك وعجبني اوووي وافتكرته بس انا كنت واخدة قرار مش هصاحب ولاد والي عاوزني فعلا يدخل البيت من بابه ويستناني لما اخلص دراستي 

جيه اليوم الخامس كان الفلانتين لقيت في رسالة منه وفرحت جدا بالرسالة دي علي الرغم أنه ماتصلش اد ايه كان نفسي يتصل وخصوصا لما شفت الكلام المكتوب وهو بيقولي ....

يتبع لم يخبرني أحد الجزء الاول



وضع القراءة :
حجم الخط
+
16
-
تباعد السطور
+
2
-