إختفاء ( في ظروف غامضة) الجزء الثاني

اختفاء ( في ظروف غامضة )
الجزء الثاني
بقلم غادة سعيد

= انتي الي قولتيلي لما جيتي تعملي المحضر ان جوزها اسمه احمد وادتيني بيناته كمان
_ اه بس انا مش فاكرة ممكن اكون نسيت من التوتر الي انا فيه بقالي كام يوم مش باكل ولا بنام
= المهم مش ده موضوعنا دلوقتي انتي ناوية تعملي ايه بالظبط انا ممكن مساعدتي ليكي تجيبلي مشكلة في شغلي بس مش عارف ليه حاسس اني عاوز اساعدك مع ان دي مش من طبيعتي وانا كده بعرض شغلي للخطر . . .
_ عاصم انا عاوزاك تيجي معايا بيت اختي نكسر الشقه عاوزه ادخل اكيد هوصل لحاجه جوة توصلني ليها . . . .
= طيب هنكسر الباب ازاي والجيران لو سألوا
_ هما مالهم دي اختي وانت ظابط يعني ميقدروش يتكلموا نص كلمه
= طيب هنروح امتي انا لسه يادوبك راجع من شغل طويل وتعبان جدا انام ساعتين يكون النهار طلع ونتقابل علي طول
_ ساعتين بالظبط وهنزل من البيت واكلمك انا اسفه والله اني عملالك إزعاج
= لا متقوليش كده انا نفسي تلاقي اختك عشان انتي حالتك صعبة جدا
_ يارب الشقة توصلنا لحاجه . . .
قفلت معاه وفضلت ماسكة التليفيون بعد الدقايق والثواني عشان انزل من البيت والساعتين عدوا علي انهم سنتين لبست وانا نازلة عالسلم طلعت تليفوني اتصل ب عاصم لقيت رد عليا وفي مكان هادي كأنه لسه فلبيت
_ انت كل ده لسه منزلتش من بيتك . . .
فجأه لقيته واقف بالعربية تحت بيتي اتفاجأت جدا
_ انت جبت عنواني منين
= من بطاقتك مش محتاجه ذكاء اركبي عشان منتأخرش واخلص و الحق شغلي يلا
ركبت معاه ورحنا علي عمارة اختي واحنا طالعين عالسلم لقينا جارتها طالعه معانا بتبصلي ب استغراب
_ اهلا ياهند ولتي لحاجه بخصوص هالة
= لا لسه انا حتي جايبة معايا حضرة الظابط هيعمل معاينة للشقه
لقيت وشها اتخطف لما سمعت سيرة الظابط وبتقولي ماشي ابقي طمنيني وطلعت بسرعه علي شقتها وقفلت الباب معرفش ليه شكيت فيها وممكن اكون انا غلط بس لازم اشك في اي حد عشان فيه حاجه غامضة فالموضوع . . . . .
وصلنا الشقة وعاصم بدأ يكسر الباب كان جايب معاه شكوش وعامل حسابه والناس بدأت تطلع عالصوت لكن انا فهمتهم انه ظابط وهيعمل معاينه للشقة واخيرا الباب اتفتح . . .
دخلنا الشقة لقيناها نضيفه زي الفل كأنها شقه عروسه السراير نضيفه والغسيل كله مغسول مفيش اي حاجه مش في مكانها مفيش اي شيء غريب غير بس ان تليفونها هي وجوزها موجود وتابلت الولاد مش واخدين اي تليفونات معاهم ومفيش اي حاجه تدل هما فين
عاصم خد التليفونات يفرغها عشان يحاول يوصل لحاجه وانا قعدت الف فالشقه يمكن الاقي اي حاجه . . 
_ عاصم تعالي شوف انا لقيت ايه
= لقيتي ايه ياهند
_ مش ده منوم برضو ايه جابو هنا اختي وجوزها عمري مسمعت انهم بياخدو منوم اكيد ده هيوصلنا لحاجه
= هو فعلا كان هيوصلنا بس بعد ما مسكتيه خلاص مش هيوصلنا لأنك حطيتي بصماتك عليه خلاص
لوسمحتي متلمسيش اي حاجه وسيبيني احاول اوصل لأي دليل
_ حاضر انا اسفه والله مخدتش بالي المهم تعالي احنا نقفل الشقه وتاخد التليفونات دي تحاول توصل بيها لحاجه
= طيب يلا بينا
خدني بالعربية عشان يوصلني عالبيت
_ انا تعبتك اوي معايا مش عارفه اشكرك ازاي
= مفيش تعب ولا حاجه يارب بس نلاقي اختك وتطمني
_ يارب
سيبته وطلعت فوق احاول ارتاح شوية لحد ما يفرغ التليفونات ويتصل بيا قعدت ادعي يوصل ل اي معلومه
فجأه تليفوني جاله رساله من رقم غريب مش رقم مصري الرساله بتقول . . .
متدوريش كتير وانسي هما كويسين والرقم ده مش هيوصلك لحاجه . . . .
اتصلت ب عاصم بسرعه
_ عاصم انا لازم اشوفك دلوقتي انا وصلتلي رساله من رقم غريب عاوزاك تشوفها
= انا كمان لسه كنت هتصل بيكي تعاليلي دلوقتي حالا في حاجه بخصوص التليفونات وصلتلها . . .
يتبع

الثالث من هنا




وضع القراءة :
حجم الخط
+
16
-
تباعد السطور
+
2
-