من احبني كذبآ الجزء الثالث

من احبني كذبآ
الجزء الثالث
بقلم غادة سعيد..

طلعت تليفوني واتصلت بمازن

_الو ازيك يا مازن عامل ايه

الحمد لله ازيك يا ملك

انت فين كده انا بطمن عليك

انا في الشغل قربت اخلص و هاجي على البيت ان شاء الله

قفلت معاه والشك قاتلني هو ليه بيكذب

رحت عالعمارة وانا طالعه لقيت البواب بيسألني هو حضرتك طلعه فين....

معرفتش اقوله ايه ولقيتني بطلع فلوس وبديها له وبسأله هو صاحب العربيه دي طلع عند مين

_طلع عند مكتب استاذة ندي دي محاميه لسه فاتحه المكتب جديد ...

قعدت افكر اطلع ولا اروح لأحمد اشوف هعمل ايه لو طلعت خلاص كل حاجه هتبقي عالمكشوف وهيعرف اني كشفته بس انا مش هعرفه بالسهولة دي ....

ركبت عربيتي ومشيت وانا فالسكه اتصلت ب مازن...

_ مازن انا باكلمك عشان اقول لك انا نزلت هاروح اقعد مع واحده صاحبتي عشان مخنوقه شويه

= ماشي انا كده كده هتاخر في الشغل النهارده كويس انك نزلتي عشان ما تزهقيش

بقيت اقول في دماغي هتتأخر فالشغل بردو ....

وصلت العياده عند احمد واول ما دخلت طلع المريض الي كان عنده وانا انهارت من العياط...

_ في ايه ياملك احكيلي انا مقدرش اشوفك كده ايه حصل...

= الحيوان مازن بيكلم واحده عليا....

_ بيكلم واحده عليكي انتي ازاي قوليلي ازاي اقنعيني ...

= عرفت بالصدفه من رساله عالواتساب ودلوقتي براقبة حتي بص كلامهم....

اول ما فتحت التليفون لقيتها لسه بعتاله رساله بتقوله فيها....

_ انا خلاص مش هقدر استغني عنك تاني انت لازم تفاتح مراتك في موضوعنا حرام الحب دا كله يموت ....

= لا طبعا مش هقدر دلوقتي خالص مش عاوز اجرح ملك

_ خلاص خليني انا اتكلم معاها بهدوء

= لا ياندي قولتلك لا مش هينفع ...

احمد مسك التليفون وكان في حاله زهول وهو بيقرا الكلام ولقيته بيقولي
= ياما قولتلك دا مينفعكيش مسمعتيش كلامي قولتلك اصبري وهلاقي الشخص الي يستاهلك انتي الي اتسرعتي ورحتي اتجوزتي سيبيه ياملك دا ميستاهلكيش...

_ اسيبه بسهوله كده لا انا بقي مش هسيبه بسهوله ولا هطلع خسرانه كل حاجه انا هذله وعارفه ازاي

= ازاي

_ مش لازم تعرف دلوقتي يومين كده اما اشوف الكلام بينهم وصل ل ايه وهبقي اكلمك اقولك.....

روحت عالبيت لقيته وصل وقاعد فالصاله وماسك التليفون وعمال يضحك وانا طبعا عارفه انه بيكلمها حتي منتبهش اني وصلت ...

_ ايه يا مازن للدرجادي بتكلم حد مهم منتبهتش حتي اني جيت

= لا ابدا ياحبيبتي بتكلم مع عميل في شغل....

حبيبتك مين بس متقولش حبيبتك
دخلت جوة الاوضه وغيرت هدومي وقعدت علي تليفوني اراقب بيتكلموا يقولوا ايه لقيته بيقولها...

_ علي فكرة كنتي زي القمر النهارده

= وانت طول عمرك زي القمر يامازن وحشتني ووحشتني القعدة والكلام معاك ونفسي اكمل بقيت عمري معاك....

_ كنتي زي الحلم بالنسبالي ولحد دلوقتي مش مصدق انك رجعتيلي تاني

= مازن انتو ليه مخلفتوش لحد دلوقتي

_ معرفش جايز ربنا عاوز كده عشان مفيش طفل يتظلم بينا

هي حصلت لكده يامازن انا هوريكم انتو الاتنين
خرجتله الصاله عشان اقاطع المحادثة الرومانسيه دي ولقيتني بقوله
مازن انا....
يتبع




وضع القراءة :
حجم الخط
+
16
-
تباعد السطور
+
2
-