من احبني كذبآ الجزء الثاني

من احبني كذبآ
الجزء الثاني
بقلم /غادة سعيد

لقيت مازن قاعد ومعاه بوكيه ورد وبيبص في ساعته بس كان قاعد لوحده لسه كنت هدخله بس رجعت تاني اقعد واراقب من بعيد لحد ما اوصل لحاجه ....

بعد خمس دقايق لقيت واحده داخلة شعرها اسود وطويل وبيضه كانت واحدة جميله اوي مكنتش اعرف ان هي دي الي جياله تقابله اول ما دخلت راح بايس ايديها وادالها الورد ....

راحت ضحكاله كنت واقفه مش قادرة استحمل الموقف معرفتش اواجهه لقيت دموعي نازلة علي خدي وبمشي من المكان وبروح عالبيت ...

وفضلت منهارة من العياط لحد ما جه ولقيته داخل عليا وعيني كانت حمرا خالص وباين عليا اني معيطه ...

_ مالك ياحبيبتي في حد مزعلك

= لا ابدا انا بس كنت مخنوقه شوية

_ اكيد حاسة بوحدة قولتلك ميت مرة تعالي نكشف عشان موضوع الخلفه ومش بتسمعي كلامي...

= ان شاء الله هرو

ح ....

دخل جوة عالحمام خد شاور ودخل الاوضه فضل ماسك تليفونه ولا كان معبرني خالص ولا كأني كنت منهارة ....

قررت اني هراقب الواتس بتاعه عشان يبقي معايا دليل ....

استنيته نام ودخلت الواتس بتاعه علي تليفوني بطريقه عرفتها من علي النت وبكده هقدر اشوف كل الرسايل الي بتجيله....

صحي الصبح نزل راح شغله ومصحانيش زي ما بيعمل بقي متجاهلني تجاهل تام ...

لقيته بيبعت لنفس الرقم رساله اول ما انزل من البيت وبيقول لها انا اخدت شاور ونزلت

= طيب ومش هنتقابل النهارده

_ بصراحه يا ندى انا عاوز اكلمك في موضوع انا ملك صعبانه عليا هي ما عملتليش حاجه عشان اعمل فيها كده
انا فعلا عمري ماحبيتها وكنت دايمآ بفكر فيكي بس انتي الي بعتيني ومستنتنيش ورحتي اتجوزتي ابن عمك واخرتها اتجوزتوا كام شهر واتطلقتي بسبب معاملته ليكي...

= انا كنت مغصوبة يامازن انا اهلي غصبوا عليا كنت كل يوم بموت وانا مش معاك انا موافقة اكون معاك وهي موجوده وابقي زوجه تانيه

_ بس مااظنش انها هتوافق

= خلاص هي حرة لو عاوزه تطلق طلقها ...

بقيت ماسكه التليفون وانا بشوف الكلام ودموعي نازله مش عارفه انا ازاي كنت مخدوعه في مازن معقوله كان بيقولي انه بيحبني بالكدب ده انا هخليني وراهم لحد ما اشوف هعمل ايه انا مش هاخد فوق دماغي وامشي واسيبه بسهولة كده هو فعلا لحد دلوقتي مغلطش لكن هو هيغلط وقريب جدا.....

لقيت نفسي بتصل ب ابن عمي من غير تفكير لأني معنديش اخ اتسند عليه...

_ ازيك يا احمد

= ازيك ياملك ايه اخبارك ...

_ انا مش كويسه يا احمد انا عاوزه اتكلم معاك شوية ...

= طبعا يا ملك تعاليلي العيادة اي وقت

_ ممكن اجي لك دلوقتي انا عايزه اتكلم معاك في موضوع مهم بخصوص مازن

= ماشي انا مستنيكي....

لبست ونزلت عشان اروح عند احمد العيادة وانا في الطريق لمحت عربيه مازن راكنه عند عماره

_ وقفت بالعربية ونزلت اشوف هو فين هنا طلعت تليفوني وكانت الصدمة
يتبع




وضع القراءة :
حجم الخط
+
16
-
تباعد السطور
+
2
-