اسكريبت مختلف اتمني تحبوه🤍
 ـ ليه انا؟
ــ لاني شوفت فيكي حاجه غير الكل..حنان انتي سحرتيني بجمالك واخلاقك، انتي شبهي في كل حاجه، انتي البنت ال هقدر اكمل معاها حياتي..
....................

_ دي عندها كانسر ي فارس!
ـ ايوة فين المشكله بردو ي ماما؟ 
ــ هتتجوز واحدة عندها كانسر؟ 
ـ مش ذنبها ي ماما دي ارادة ربناا
 وانا هقف معاها لحد ما تتعالج وترجع احسن من الاول.
ــ يحبيبي مالها بنت خالتك،بنت زي القمر، جمال واخلاق وتفوق دراسي مش هتلاقي احسن منهاا.
ـ متجيبيش سيرة بنت خالتي دي تاني ي ماما. 
ــ يحبيبي انت لسه في عز شبابك هتتجوز واحدة مريضة تخدمهاا؟
ـ فين المشكلة ي امي لما اساعدهاا..انا عايزها وهعيش معاها ب اي طريقة المهم اكون معاها 
ــ انا عايزة مصلحتك ي فارس انا مش عايزة حاجة من الدنيا غير اشوفك مبسوط..
ـ وانا مش هكون مبسوط غير معاها ي أمي افهميني.. 
ــ مش هتنفعك يبني دي عايزة ال يخدمها! 
ـ ي امي هي مش محتاجة حاجه من حد هي بتعمل كل ال عايزاه بنفسهاا.. ومتقلقيش انا معاها ومش هخليها محتاجة حاجه. 
ــ ال يريحك ي فارس اعمله وانت ال هتندم انك ضيعت بنت خالتك من ايديك.. 
ـ تصبحي علي خير ي أمي. 
...................... 
( انا فارس البحيري عندي 27 سنة، مهندس بترول في احدي شركات البترول في مصر،حنان زميلتي في الشغل ومن نفس منطقتي ف بنسافر مع بعض كل يوم، مع الوقت علاقتنا تطورت خارج اطار الشغل وبقينا صحاب!! 
في الوقت دا كانت مشاعري بدأت تتغير ناحيتها وحسيت انها الشخص المناسب ليا ال هقدر اكمل حياتي معاه، لكن يشاء القدر انها تبق مريضة كانسر في سن صغير ، ودا كان سبب في انطفائها، واختفاء ابتسامتهاا، وتدمير نفسيتها.. 
اختبار صعب ومرهق وانا واثق انها هتعدي، واثق في ربنا انو هيحفظهالي، واثق اني هقدر ارجع ليها ابتسامتها من تاني، واثق اني.. اني بحبها ومش عايز غيرها في حياتي... وعشان كدا انا هتقدم ليها بكراا....) 
.................... 
ــ الو يحنان عامله ايه..
ـ الحمدلله ي فارس..  
ــ احم انا بكرا هاجي ل باباكي اتكلم معاه شويه 
ـ نعم!  ليه؟ 
ــ بكرا هتعرفي ي حنان..  ويلا نامي عشان منتأخرش بكرا زي كل يوم بسببك.. 
ـ حاضر هحاول متأخرش..
ــ تمام تصبحي علي خير. 
......................... 











ــ انا ي عمي طالب ايد حنان بنت حضرتك. 
ـ انا يشرفني ي ابني ان انسان زيك يطلب بنتي بس يعني انت عارف ظروف حنان وانها مري... 
ــ عارف كل حاجه ي عمي و دا مش سبب ابدا يخليني اسيبهاا،  انا عايزها حلالي ي عمي وصدقني هشيلها في عنياا،  وهعمل ال اقدر عليه عشان اعالجهاا.. 
ـ والله ي ابني مش عارف اقولك ايه انا فعلا مش هلاقي حد ف اخلاقك كدا لبنتي، بس هي رافضة اي ارتباط وشايفة انها هتبقا مجرد حمل علي اي حد! 
ــ هي مستحيل تكون حمل ي عمي.. 
وانا مستحيل اشوفها كداا.. هنحاول مع بعض نعدي الاختبار الصعب دا وهترجع تاني احسن من الاول ان شاءالله.. 
ـ يارب ي ابني.. 
انا هحاول اكلمها في الموضوع واشوف رأيها، وربنا يقدم ال فيه الخير... 
ــ ماشي ي عمي و انا هستأذن دلوقتي.. 
............................ 
ــ عارفة فارس كان جاي ليه ي حنان؟ 
ـ لا ي بابا ال اعرفه انو كان عايز يكلم حضرتك بس. 
ــ فارس طلب ايدك مني ي حنان..
ـ ازاي؟ بابا انت عارف اني مينفعش..... 
ــ قبل ما تكملي يحنان فارس راجل محترم هيحبك ويصونك، وانا هكون مطمن عليكي معاه، لو تشوفي كان بيتكلم عنك ازاي من شوية هتوافقي من غير تفكير.. 
ي حبيبتي انتي زي القمر ومفيش اي مشكلة انك تحبي وتتحبي وتعيشي حياتك مع حد طالبك ب الحلال...  فكري ب هدوء ي حنان ومضيعيش الفرصة دي من ايديكي،  فارس شاب مش هيتعوض.
ـ حاضر ي بابا،  بعد اذن حضرتك. 
........................ 
( انا حنان السمنودي عندي 25 سنة، فارس زميلي في الشركة ومع الوقت بقا اقرب صديق لياا،وقف جنبي كتير في مشاكل في الشغل،ومقدرش انكر اهتمامه وخوفه عليا من لما عرف مرضي، دايما كان بيقويني، وساعدني اني اتخطي ايام تعب وارهاق كتير، من افضل الناس ال دخلت حياتي، مقدرش انكر اني احيانا بحس بمشاعر ناحيته بس بكذب احساسي دايماا لانه..لانه مش حقي!!
فارس شاب جدع جداا واكيد هكون مبسوطة معاه بس..بس مش عايزه اظلمه انا مريضة كانسر يعني مش عارفه امتي هموت!!
هو حقه يعيش حياته مع بنت احسن مني!
بس انا مش وحشه! انا مخترتش اكون مريضة، كوني مريضة دا ميقللش مني، انا بنت زي اي بنت وعندي مرض عادي زي اي مرض ودا مش ب ايدي، ومن حقي اعيش حياتي مع شخص يحبني ويحترمني ويتمسك بيا كدا !)
.........................
ــ بردو عملت ال فدماغك ي فارس!
ـ اه ي ماما انا اختارتها ومش هسيبها لغيري،وبعد اذنك حاولي تتقبليها عشان هتبقا مرات ابنك..
ــ بنت خالتك اولي بيك ي فارس!
ـ انا خلصت كلامي ي امي..
........................
ــ ازيك ي فارس ي ابني..
ـ الحمدلله يعمي بخير..
ــ ااا اتمني تشرفوني فالبيت ي فارس عشان نتفق علي كل حاجه..
ـ ان شاء الله ي عمي ف اقرب وقت..
ــ علي خير ي حبيبي مع السلامة.
........................
ـ بكرا هنروح ل والد حنان ي ماما.
ــ بردو ي فارس!
ـ ايوة ي ماما، وانا واثق انك هتحبيها اول ما تشوفيها ع طول.
ــ هحاول عشانك ي حبيبي المهم عندي تكون مبسوط..
ـ ربنا يخليكي ليا يا ست الكل.
.......................












* نسيب العرسان مع بعض ي جماعة..
ــ احم عاملة ايه..
ـ الحمدلله..
ــ مش عايزة تسألي عن اي حاجه؟
ـ ليه انا؟
ــ لاني شوفت فيكي حاجه غير الكل..حنان انتي سحرتيني بجمالك واخلاقك، انتي شبهي في كل حاجه، انتي البنت ال هقدر اكمل معاها حياتي..
ـ مش هتسيبني في يوم عشان مرضي؟
ــ دا مش مرض ي حنان، دا اختبار من ربناا وهنعديه سواا، والمهم انك تكوني واثقة ف ربنا وانه هيتم شفائك ان شاءالله.
ـ فارس شكراا انك في حياتي بجد.
ــ في حياتك لآخر يوم في عمري ان شاءالله.
........................
ـ اي رأيك في العروسة ي ماما!
ــ دي طيبة اوي ي فارس، واهلها ناس محترمين جداا ربنا يتم عليكو بخير ي حبيبي.
ــ الحمدلله انك حبيتيها ي امي وان شاءالله هتكون عند حسن ظنك بيها.
ـ ان شاءالله ي حبيبي.
.....................
* بعد ست شهور...
« بارك الله لكما وبارك عليكما وجمع بينكما في خير» 
* الف مبروك ي حبايبي ربنا يسعدكو يارب..
= ربنا يبارك في حضرتك ي عمي.
....
ــ حناان...
ـ ايه ايه في ايه؟
ــ فين حضن كتب الكتاب هاا؟
ـ خضتني ي فارس حرام عليك..
ــ لا بقولك ايه متوهيش كدا وتعالي هاتي حضن..
ـ هنبدأها ب قله ادب ي فارس؟!
ــ انتي لسه شوفتي قله ادب خدي هنا يابت..
ـ ي فاارس بقاا
ــ مش مصدق انك بقيتي حلالي بجد انتي مش متخيلة انا اد اي مبسوط ي حنان..
ـ انت هدية من ربنا ليا ي فارس ربنا يخليك لياا..
....
* احم احم علي فكرة البنت لسه في بيت ابوهاا احترم اني بغير علي بنتي😂
= مراتي يجمااعة الاااه
* ربنا يسعدكو ي حبيبي ياارب..
مع اني مش عارف شكل يومي من غيرهاا بس جه الوقت اقولك خد مراتك ويلا روحو علي بيتكو ي حبايبي...
= متقلقش ي عمي هجيبها علي طول وهنيجي نزهقك منناا
* تنورو ي حبايبي ف اي وقت.
= ربنا يخليك ي بابا / ي عمي..
.......................
* بعد كمان ست شهور..
ــ فارس انا خايفة اوي.
ـ متخافيش ي حبيبتي ان شاءالله خير انا معااكي..
ــ لو نتيجة التحاليل طلع فيها حاجه يفارس انا هموت..
ـ بعد الشر عنك ي حبيبتي متقوليش كداا 
احنا قولنا هنعدي كل حاجه مع بعض ف متخافيش وانا معاكي..












ــ فارس احنا بقالنا ست شهور متجوزين وانت تعبان معايا طول الوقت بجد مش عايزة اتعبك اكتر من كداا
ـ حنان! انا جوزك عارفة يعني ايه؟ يعني واجبي افضل معاكي في كل لحظاتك حلوة او وحشة وهنعدي اي حاجه مع بعض..
ويلا بقا انا هروح اجيب النتيجة واجيلك..
.......
* مبروك ي باشمهندس فارس تحاليل المدام كويسة جداا وبكداا فترة العلاج تبقا انتهت علي خير.
ـ الحمدلله ي دكتور ربنا يكرمك ياارب.
........
ـ حنون..متتخيليش انا مبسوط اد ايه..
الحمدلله يحبيبتي التحاليل زي الفل..
ــ  بجد يفارس بجد؟؟
ـ ايوة ي حبيبتي بجد.
ــ انا مش مصدقة نفسي ي فارس بجد ربنا دا كريم اوي.
ـ الحمدلله ي حبيبتي، انتي تعبتي الفترة ال عدت وربنا بيعوض الحمدلله
ــ الحمدلله يارب..
ـ يلا بقا نخرج خروجة حلوة كدا عشان نحتفل بالخبر الحلو دا.
ــ حبيبي ربنا يخليك لياا.
ـ ربنا يقدرني واسعدك يارب.
تمت.

#الكانسر مش مرض، الكانسر اختبار من ربنا ليك عشان ترجعله، هيعدي بثقتك وقوة ايمانك.
#واصبروا ان الله مع الصابرين
#شيماءرجب



وضع القراءة :
حجم الخط
+
16
-
تباعد السطور
+
2
-