قدري♥
......
فارس: اي ي جماعة هتجيبو المأذون ولا ايه؟
حنان: مأذون؟ ليه؟
الاب: انا موافق ع فارس ي حنان..وعارف اني هسلمك ل راجل يحافظ عليكي ♥
ـــــــــــــــــــــ
في شات واتس.... 
ــ فاضي شوية؟ 
ـ نشرب قهوة! 
ــ مش بهزر يعم فاضي؟ 
ـ افضالك ي يستي 
ــ طب نتقابل في الكافية بتاعنا بعد ساعة كدا.. 
ـ هو خلاص بقا بتاعنا؟ 
ــ ال بنقعد فيه علي طول يعم ولا تزعل.. 
ـ طيب ساعة وهكون هناك..
ــ تمام يلا سلام دلوقتي.. 
_________












(انا حنان عندي 21 سنة في تالتة كلية السن، بنت بسيطة وبحب الحياة جدا دايما فرفوشة وبحب الضحك والهزار كدا مش معقدة برغم كل المشاكل ال في حياتي... 
اتولدت في عيلة غنية وليها مكانتها، درست في احسن المدارس وكنت دايما متفوقة، مكنش ليا صحاب عشان اهلي شايفين اني اعلي فالمستوي من اي حد ومينفعش اتعامل مع حد اقل مني.. 
مكنتش بحب كدا ودايما شايفة اني بنت عادية زي كل البنات بس اهلي كانو بيعاقبوني لو اتكلمت بس مع بنت..
كنت بتعاقب علي اي تصرف حتي لو بسيط..كان بابا شديد اوي والكل بيخاف منه وللعلم مكنش حد بيحبه بسبب معاملته القاسية...
مجرد ما خلصت ثانوي قررت استقل بنفسي عشان كنت تعبت من معاملتهم وتكبرهم علي كل الناس..
سافرت اسكندرية واشتغلت في كافية هناك مع مشروع هاند ميد صغير كدا علي ادي عشان دي كانت هوايتي من وانا صغيرة.. 
قعدت في شقة صغيرة بالايجار واتعرفت علي ناس كتير فالجامعة وفي الشغل وحبيت حياتي دي بعيدا عن التكبر والغرور بتاع اهلي وكره الناس ليا بسببهم..
كل الناس دي في ناحية وفارس دا حاجه تانية خالص..وهتعرفو حكايتنا بعدين.) 

بعد ساعة في الكافية.... 
ــ اي يبني اتأخرت ليه؟ 
ـ معلشي ي حنان انا اسف الطريق بس كان زحمة شوية.. 
ــ طيب يسيدي تشرب ايه.. 
ـ نشرب ايه احنا ناكل علي طول.. 
ــ طفس من يومك والله.. 
ـ اي مالك يبو الصحاب.. انا اكل كدا عشان اركز معاكي الااه.. 
ــ طيب يسيدي اطلب لينا بيتزا.. 
ـ عنيا حاضر... 
طلبو بيتزا واكلو وقعدو يهزرو شوية... 
ــ فارس!!
ـ يا نعم..
ــ اليوم دا مش بيفكرك ب حاجة؟
ـ حاجه زي ايه؟
ــ يبني ركز معايا النهاردة 9/20..
ـ اي بردو؟
ــ انت بارد ليه..
ـ حبيبتي تسلمي
ــ حبيبتك؟! حبك برص ي اخي..
ـ خلاص ي توتي متزعليش...
خدي دي..
ــ هممم اي داا؟...
ـ هدية ي قلبي...زي النهاردة من تلات سنين كنت شوفتك لاول مرة...













*فلاش باك من تلات سنين في كافتيريا الكلية...

ــ حنان ببكاء : انا مش عارفه اي حاجه هنا يارب اعمل ايه...كان لازم اسيب البيت واجي هناا.. يعني معرفش حد فالكلية..وعايزة اشتغل واصرف ع نفسي..ومش عارفة ادور علي شغل ازاي..انا عبيطة والله مش اد ال بيحصلي داا..
ـ احم...منديل ي انسة
ــ شكراا
ـ ممكن اقعد شوية؟
ــ اتفضل..
ـ شكراا..انتي سنة اولي صح؟
ــ اه بس عرفت منين..
ـ حسيتك تايهة شوية كداا ف توقعت..
ــ حنان ببكاء: ان..اناا مش من هنا اصلا والمشكلة اني مش عارفة حاجه هنا خالص و..و مش عارفة حد يساعدني وو...
ـ هشش بس خلاص اهدي..انا موجود اهو متخافيش..اعتبريني صديقك من النهاردة و اي حاجه عايزاها انا موجود..
ــ ذادت حنان في بكائها: وانا اضمن منين انك عايز تساعدني وبس..يعني مش ممكن تبق عايز تخطفني مثلا..او تكون تاجر مخدرات وتلبسني ف جريمة قتل واعيش باقي حياتي في سجن بسببك..
ـ هههههههه مش قااادر..انتي بتقولي ايه يبنتي..انتي شكلك بتقرأي روايات كتير 😂😂
المهم اطمني انا غلباان والله مش هعملك اي حاجه.. 
ــ وعد؟؟
ـ وعد يا ....
ــ حنان..اسمي حنان..
ـ وانا فارس.. 
ــ اسمك حلو اوي 
ـ ربنا يخليكي...احم صحااب؟!
ــ صحاب...بإبتسامة..
ـ حلو اوي تعالي بق اعرفك كل حاجه فالكلية..انا سنة رابعة وعارف كل حاجه هنا يلا بيناا..
ــ يلا..
(في البداية كانت صداقتهم سطحية يعني بيتقابلو فالكلية بس..كلامهم كله عن الدراسة والشغل وخاصة بعد ما حنان اشتغلت في نفس الكافية ال شغال فيه فارس ..
عدت سنة..كان فارس اتخرج وحنان بقت في سنة تانية...وكانت علاقتهم تطورت كتير عن الاول وبقو صحاب جداا )

بااااك..















ــ يعني فاكر اهو..امال حرقت دمي ليه..
ـ برخم عليكي ي توتي الااه😂♥
ــ من يومك رخم والله..
ـ بس بحبك😂♥ بعدين هو انا اقدر انسي يوم زي داا..حنان انتي متعرفيش انا حياتي اتغيرت ازاي في السنتين دول.. انتي نعمة من ربنا فحياتي والله..
ــ حبيبي ربنا يخليني ليك..
ـ يلا افتحي الهدية..
ــ طيب بسم الله... شوكولاته هيييه بعشق النوع داا..شكلنا هنهيص النهاردة..
 ووه..اوياااه..عرفت منين اني كنت عايزة الرواية دي؟ فارس انا كنت هموت عليها بجد..
ـ ملكيش دعوة بق المهم انها جت...
ــ دي..دي الساعة ال قولتلك عليها ال كانت غالية اوي دي؟؟ 
ـ ايوة هي..
ــ اويااه دا الخاتم الفضة ال كنت عايزة اجيبه.. بس دا مش بيلبسه غير المرتبطين بس انت جايبه ليا ليه؟؟ المفروض دا لخطيبتك يبني مش ليا انا داا 😂😂 
ـ اها..دا ع ما الاقي خطيبتي بق ابق اجيبلهاا..
ــ بس فارس دا كتير اوي يعني اا...
ـ بس بس مفيش حاجة كتير عليكي 
ــ فارس شكراا اوي بجد مش عارفه اقولك ايه..
شكراا انك فحياتي.. وانك دايما بتخليني مبسوطة..شكراا لكل حاجه قدمتهالي لحد النهارده
ـ انتي عبيطة ي حنان؟؟ مفيش شكر بين الصحااب..بعدين انتي مطلبتيش حاجه مني انا بعمل كل دا بمزاجي..
ــ طيب🌝♥.. اي دا في ورقة هناا..
ـ حنان! سيبي الورقة دي حالا..اقرأيها لما تروحي
ــ اشمعناا؟
ـ اسمعي الكلام ي حنان..و يلا بق ناكل الشوكولاته دي عشان عيني فيها بصرااحة😂
ــ ههههه يلا يبو الصحاب.
............................  
بعد ساعتين فارس وصل حنان لحد شقتها بالعربية وروح.....
ـ فارس فنفسه: بتمني تقرأي الورقة وتفهميني صح ي حنان انا بجد مش عايز اخسرك..

توقعاتكو لمحتوي الورقة؟؟
..........................
روحت حنان شقتهاا وهي في قمة سعادتها وتفقدت الهدايا اكتر من مرة وكل مرة بتفرح بيها كإنها اول مرة تشوفهااا..
حنان فنفسها: حنان اهدي مش كدا الحوار مش مستاهل..يعني هو مش خطيبك عشان تكوني مبسوطة كداا..
 حنان وهي تتفقد الهدية مرة اخري: مش خطيبي؟!🥺 طب انا مستاهلش يكون خطيبي؟
حنان انتي بتقولي ايه هو صديق صديق وبس..

انتبهت حنان للورقة وقررت قرائتها....
« حنان! حنوني! توتي....
همم مش عارف أبدأ ازاي وخايف تفهميني غلط بس كان لازم اتكلم...
احنا بقالنا تلات سنين مع بعض...في التلات سنين دول حسيت مشاعر كتير ناحيتك لفترة حسيتها مشاعر صحاب او اخوات عادي زي ما كنا متفقين بس مع الوقت حسيتها غير...
بقيت احس ب اعجاب! حب! غيره! لما بشوفك بتتكلمي مع حد في الشغل ببقا عايز ازعقلك واقولك انتي بتاعتي انا ومش من حق حد غيري يتكلم معاكي حتي بس كل مرة كنت بمنع نفسي...

كل مرة اشوف فيها دموعك لما تقابلك مشكلة ببقا عايز اخدك في حضني واحميكي من العالم بس كان لازم امنع نفسي..
حنان! انا في وجودك حسيت اني عايش،وحسيت اني لازم اعيش عشانك، انا قبلك كنت مجرد جسد بدون روح بدخولك حياتي روحي اترد ليا من تاني..
حنان! ال اختارلك الاسم دا حد عظيم والله..
انتي حنيّة الدنيا كلها موجودة فيكي..
يمكن من بعد امي ربنا يرحمها محدش كان حنين علياا زيك كداا..
حنان انا عايز فرصة، فرصة بس وهثبتلك فيها حبي...يمكن حاولت كتير اظهرلك دا بس انتي مكنتيش شيفاني غير ك صديق...
اتمني تفهمي مشاعري...وتفكري كويس في الموضوع وصدقيني انا معاكي في اي قرار هتاخديه....»

انهت حنان قراءه الورقة ولم تتمالك دموعهاا ف بكت بشدة ومن داخلها تشعر بسعادة لا توصف...
ــــــــــــــ
ــ يربي انا مش مصدقة ال بيحصل معقول الشخص الوحيد ال حبيته يكون بيحبني،معقول هنكون لبعض.. 
فارس كان الشخص ال قدر يعوضني عن قسوة الايام ال عشتهاا.. 
كان السند ليا وقت ضعفي...وقت ما كنت وحيدة كان عالمي..
اي نجاح ليا كان بسببه وبسبب وقفته جنبي..
كفاية اهتمامه بيا ال حسنني انو واحد من عيلتي في وقت كل عيلتي كانت نسياني اصلا..
ازاي مقدرتش احس بحبه لياا من زمان،انا كنت غبية بجد..
ــــــــــــــ
مسكت فونها وقررت تبعت مسدج ل فارس بموافقتها بس مكنتش عارفة تقول ايه..
فتحت الشات وكان فارس اونلاين وبدأت تكتب ومن التوتر فضلت فترة تكتب وتمسح لحد ما اخيراا بعتت: ــ فارس انا موافقة..
ـ كنت متأكد انك هتوافقي.. جهزي نفسك عشان بكرا عاملك مفاجأة..
ــ مفاجأة ايه؟
ـ ي توتي لو قولتلك مش هتبقا مفاجأة اجهزي انتي بس وانا هعدي عليكي بالعربية
ــ تمام..تصبح علي خير.
ـ وانتي بخير ي توتي..
ــــــــــــــــــــــــــــــ
تاني يوم الصبح جهزت حنان وفارس اخدها بالعربية و....
ــ فارس احنا رايحين فين؟
ـ همم رايحين القاهره ي حنان.. عايز اشوف باباكي 
ــ فارس انت عارف انت بتقول ايه؟ انا مقطعاهم بقالي تلات سنين..
ـ وجه الوقت ل تصلحي علاقتك بيهم يحنان..
حنان احنا عايزين نبدأ حياة جديدة وهما راضيين علينا ف كان لازم اكلمهم ون....
ــ كلمتهم؟! فارس انت ناوي تعمل ايه؟
ـ مش هعمل حاجه انتي ال هتعملي ي حنان
ــ اعمل ايه؟!
ـ هتفهمي لما نوصل 
ـــــــــــــــــــ
فارس وحنان وصلو للبيت اهلهاا، ولم تتمالك حنان نفسها عند رؤية والديهاا 
الام ببكاء: وحشتيني ي روحي تفضلي طول الوقت بعيدة عني ومش عارفة اوصلك 
حنان: انتو ال وصلتوني ل كدا ي ماماا 
الام: خلاص ي حبيبتي الحمدلله انك رجعتيلي بالسلامة.
الاب: وحشتيني ي حنان 
حنان: وحضرتك ي بابا وحشتني اوي 
الاب: انا مش هسيبك تبعدي عني تاني...
 فارس يبني انا مش عارف اقولك ايه بسببك بنتي رجعت لحضني من تاني 
حنان: بابا حضرتك تقصد ايه؟
الام باباكي معاه حق ي حبيبتي فارس كلمنا من فترة وصلح كل حاجه بيناا 
حنان: شكراا يفارس بجد
فارس: خلاص ي جماعة مش بحب اللحظات المؤثرة دي هتجيبو المأذون ولا ايه😂😂
حنان: مأذون؟
الاب: ايوة ي حبيبتي انا موافق ع جوازكو لاني مش هلاقي حد زي فارس يحبك ويحافظ عليكي..
حنان: ربنا يخليك ي بابا يارب...
ـــــــــــــــــ
« بارك الله لكما وبارك عليكما وجمع بينكما في خير»
فارس: مبروك ي توتي واخيراا بقيتي ملكي
حنان: ربنا يبارك فيك يفارس
فارس: انا عايز من حضن كتب الكتاب دا يبنتي😂
حنان: لا مش هنبتديها قلة ادب بق 
فارس: تعالي ل حضن بابي ي توتي 😂

تمت
#قدري
#شخابيط
#شيماءرجب



وضع القراءة :
حجم الخط
+
16
-
تباعد السطور
+
2
-