اخترتها رغم جنونها

اسكريبت فرفوش هيعجبكو😂♥
ــ تيجي نخرج؟ 
ـ حنان برفعة حاجب.. بمناسبة ايه! 
ــ بيقولو الڤلانتين بق وكدا.. 
ـ واحنا مالنا يجدع ڤلانتين ايه وبتاع ايه عالصبح؟ 
ــ يعني مش هتخرجي؟ 
ـ لا انا كائن بيتوتي مش بيخرج..
ــ طب شوفيلي بنت من صحابك اخرج معاها؟ 
ـ عند ماما يلاا عارفهاا؟ 
ــ احترمي نفسك يبت انتي ما امي دي تبق خالتك 
ـ اه تصدق دي خالتي دي قلبي قلبي يعني.. 
انت ال بتخرجني عن شعوري والله 
ــ طب يلا قومي البسي
ـ قولت مش هخرج انا
ــ خلاص هكلم البت ملك صاحبتك وهي ما هتصدق تخرج معايا اصلا دي هتموت علياا
ـ حنان بتمتمة.. عربية تشيلكو انتو الاتنين ي اخي
ــ بتقولي حاجه يبنت خالتي؟ 











ـ ها لا اه اه بقول هقوم البس اهو
ــ هههه ناس متجيش غير بالعين الحمراا
ـ ولاا اتلم كدا بدل ما اقتلك وانت واقف كدا
ــ ولاا؟  هي وصلت لكدا؟؟ مش عارف انا اي ال مصبرني عليكي لحالا.. 
ـ بطل كلام بق يخربيتك رغااي اوي
ــ انا بردو ال رغااي روحي البسي روحي.. 
،،،،،،،،،،،،،،،،،، 
بعد نص ساعة....
ــ حنان... ي حنان.. انتي ي زفتة  كل دا بتلبسي ما تخلصي كداا.. 
ـ خلصت وطالعه اهو.. 
هاا اي رأيك؟ 
ــ ليلتك سودة ... اي ال لابساه دا؟ 
احنا رايحين القهوة يبنتي؟ هو انا خارج مع سيد ابن عمتي طيب؟ 
ـ مالو لبسي يعني؟ دنا حتي قمر.. 
ــ استني هنا مش الجاكيت الزيتي دا بتاعي بردو؟ 
ـ ها اي جاكيت.. لالا انت فاهم غلط دا بتاعي...
ــ حناان روحي غيري.. والبسي زي باقي البنات.. 
ـ يووه بقا الجاكيت ما هو قمر خالص اهو يبني.. هقولك ع حاجه تخليه احلي هات الحظاظة السودة ال لابسها دي كدا.. 
ــ حناااان.. هقتلك والله هقتلك 
ـ اهون عليك؟؟ 
ــ حنان روحي ي حبيبتي غيري
ـ حبيبتك؟  حبك برص احول ي اخي.. 
ــ هو في برص احول طيب؟؟ 
ـ بس يلا اقعد انت كدا.. انا داخلة اغير
ــ اخيراا.. يلا يستي والبسي حاجة بناتي كدا سيطري علي جعفر ال جواكي دا شوية.. 
ـ بس يلا اقعد كدا
،،،،،،،،،،،،،،،،،، 












بعد نص ساعة تانية... 
ـ هاا كدا حلو؟
ــ يلهوااي يبنتي انتي عايزة تجلطيني صح قولي متتكسفيش..ايه ال انتي لابسااه دا
ـ مالو دا كمان؟تصدق انا الغلطانه انا بسألك ليه اصلا
ــ والله انا الغلطان..انا ليه عايز اخرج معاكي اصلا مش كنت اخرج مع صحابي احسنلي
ــ حنان..حبيبتي..النهاردة ايه؟
ـ الحد
ــ لا لا مش قصدي النهاردة في مناسبة ايه هي؟
ـ ڤلانتين بتاع العيال التوتو دول
ــ عيال توتو؟؟ الله ياخدك يشيخة..
ـوتشكر يبن خالتي ي محترم..
ــ دا اقل واجب يبنتي والله..المهم النهاردة الفلانتين..بيعملو فيه ايه بق؟
ـ بيخرجو..بيتفسحو..بيقولو لبعض كلام محن كدا مالناش دعوة بيه..وبيجيبو لبعض هدايا..
ــ حلو اوي هما مين بق؟
ـ العيال التوتو؟
ــ هتقولي عيال توتو تاني يبنتي بقا افهمي..
ـ اه اه فهمت ال بيحبو بق وكدا
ــ الله ينور عليكي..ازرغطلك طيب ولا اعمل ايه..
ـ هيهيهي ظريف
ــ اي الضحكة دي ما تتلمي يبت انتي؟
بدأت اشك ان خالتي معرفتش تربي
ـ انت نسيت ان امك ال مربياني يلا؟
ــ اه صح انتي صح ع كدا انا ال مش متربي
ـ جدع يولاا بدأت تفهمني اهو
ــ اه اصل انا فهمي علي ادي..زي ناس كدا..
ـ انا الناس دول..قول قول متتكسفش..
ــ بت خلينا نرجع تاني لموضوعنا...
انا جبتلك هدية..
ـ هدية؟ يبني انت كحيان يبني
ــ يبنتي هتبطلي الدبش دا امتي بق..
ـ اقعد كدا انت متعرفش انت حاجه...فين الهديه بق؟
ــ دا كل ال هامك يعني؟
ـ الااه يجدع مش انت ال قولت فيه هديه؟
ــ اتفضلي ياستي..
ـ وه؟البوكس دا كلو ليا؟
ــ لا ل بنت الجيران عارفاها..
ـ هيهي ظريف..هات كدا..الا قولي جايبلي هدية ليه
ــ الااه مش قولنا الفلانتين؟؟
ـ وانا مالي يجدع انا خطيبتك مثلا؟
ــ الغبي كان زمانه فهم والله
ـ فهم ايه؟
ــ افتحي الهدية ي حنان قبل ما افتح دماغك..
ـ الفستان دا ليا ي فارس؟
ــ اه يست حنان 
ـ يعني الهديه دي ليا بجد؟
ــ اه ي حنان
ـ فاارس..تصدق كنت مفكراك رااجل..طلعت عيل توتو اوي 
ــ حنان وديني ل اوريكي..
ـ بس خلاص والله سيب الشبشب من ايدك..بس متتهورش ي متخلف انت 
ــ والله ما هسيبك..هاتي الفستان دا والله خسارة فيكي..
ـ خلاص والله دا حلو اوي هلبسه واخرج معاك طيب..
ــ حنان!!
ـ ي ساتر يارب في ايه!
ــ تتجوزيني؟











ـ اي دا اي دا فيه ايه!
ــ بقولك تتجوزيني؟ بصي انا من امتي باخد رأيك اصلا..انا هكلم امي وخالتي والمأذون وانتي جهزي نفسك بقا..
ـ انت مجنون يبني انت بتقول ايه!!
ــ ما بلاش رافعة الحاجب دي بتخوفني والله..
ـ ايوة انت عايز ايه بردو؟
ــ عايز اتجوزك
ـ ليه؟
ــ هما ال بيتجوزو ببتجوزو ليه ي حنان؟
ـ عشان مجانين والله يسيبو النعمة ال هما فيها ويتجوزو ليه؟يبقو مجانين..
ــ وانا مجنون..عندك مانع؟
ـ ها..اه..لا..بص انا مش موافقة
ــ اما المأذون يجي نبق نشوف الحوار دا..
ـ هيجي امتي؟
ــ مستعجلة اوي يعني..
ـ ها..لالا اصل عايزة البس الفستان..
ــ اظن دي هتبق اول مرة تلبسي فيها زي باقي البنات..
ـ تفتكر هبق حلوة؟
ــ هتبقي قمر..مراتي بق ولازم تبق قمر
ـ غرور دا؟؟
ــ تؤ حب..
ـ بتحبني ي فارس؟
ــ بحبك ي حنان..

#اخترتها_رغم_جنونها
#فارس_و_حنان
#شيماءرجب



وضع القراءة :
حجم الخط
+
16
-
تباعد السطور
+
2
-