لقاء الروح الجزء الرابع

لقاء الروح
الجزء الرابع
بقلم غادة سعيد

روحت العمارة الي قالي انه ساكن فيها ...

عمارة قديمه ومفيهاش بواب لقيت واحد من الي ساكنين وقفته اسأله...

_ لو سمحت كنت بسأل علي يوسف الي ساكن هنا
= يوسف مين
_ الشاب الي عايش هنا مع مامته.. ووصفتله شكله بالتفصيل..

= مفيش حد هنا بالإسم ده ولا المواصفات دي انا عايش هنا من اكتر من عشرين سنه

حسيت ب خيبه امل رهيبه ومشيت ...

ياترا انت فين يا يوسف ايه الي حصلك ولا انت كنت بتلعب بيا وبتسلي وقتك....

روحت البيت وحاولت اوصله ب كل الطرق مفيش اي خبر عنه دخلت عالاصدقاء الي عنده واحد واحد وكلمتهم ....

مفيش حد يعرفه شخصيآ وكأنه واحد مجهول الهوية....

الدنيا اسودت في وشي ومبقتش عارفه اعمل ايه هتجنن واعرف اي خبر عنه حتي لو كان مش حقيقي او بيلعب بيا يقولي عشان قلبي يرتاح ومقعدش افكر .....

حاولت في خلال شهر اني اوصله تليفونه اتقفل والاكونت بتاعه متفتحش من ساعتها ....

جالي اكتئاب ومبقتش اخرج من الاوضه تقريبا وماما كانت ملاحظه ان انا فيا حاجه غريبه.....

مش بقوم من مكاني غير عالاكل بس وماما بقت ملاحظة اني مبقتش آكل ولا اركز فالكلام...

كتابات ل ghada saeed

لقيتها جايه تقولي ..

_ انتي ايه حكايتك بالظبط تايهه علي طول ولا بتقومي من اوضتك ولا تقعدي معانا انتي فيكي ايه بالظبط

_ مفيش يا ماما....

= طب بقولك ايه النهاردة عيد ميلاد طنط سحر صاحبتي عملاه فالفيلا بتاعتها تعالي معايا فكي عن نفسك وطلعي نفسك من جو الكئابه الي انتي عايشه فيه ده....

_ لا يا ماما مش عاوزه اروح في مكان....

= انتي حرة خليكي كده دافنه نفسك بالحيا....

دخلت الاوضه بتاعتي قعدت افكر في كلام ماما وهو انا ايه الي بعملة في نفسي ده عايشه في وهم و حد كان بيلعب بيا وفجأه لما الموضوع دخل فالجد اختفي عشان ميكلمش ماما....

قومت لبست واتزوقت وقولت ل ماما خلاص انا جايه معاكي انتي عندك حق....

فرحت جدا وقامت لبست وخدتني وروحنا العيد ميلاد

قابلنا هناك محمد ومامته العريس الي كان مكلم ماما شكلهم كده كانوا مظبطينها عشان نتقابل هناك ...

_ كل سنه وانتي طيبه ياطنط سحر عيد ميلادك ال ٢٠ صح...

= طول عمرك بكاش يامحمد...

_ ازيك ياليلي...

= الحمد لله يامحمد انت ازيك...

_ انا كويس.....
فينك من زمان مش باينه....

= انا موجوده اهو بس الجو اليومين دول مش مساعد عالنزول من البيت....

لقيت ماما بتقولي اسيبك بقي مع يوسف عشان تتكلموا شويه....

لقيته قاعد يكلمني عن ايام زمان واحنا صغيرين هو لذيذ جدا والف بنت تتمناه بس انا لسه بفكر في يوسف
مش عاوزه اعشمه ب حاجه وانا بفكر في شخص تاني...

فضل يتكلم وانا مش مركزه خالص....

_ شكلك ياليلي مش مركزه معايا .....
ممكن نخرج نتمشي برة شوية بعيد عن الدوشه دي....

= ماشي زي ماتحب....

خرجنا نتمشي برة وقعد يتكلم كتير وانا برد بالعافيه ....

مش مركزه معاه ولا ببصله طلب ياخد رقمي ادتيهوله ....

فجأه وانا ماشيه لقيت عمود متعلق عليه صورة قديمه ...

طلعت اجري زي المجنونه...
افتكرت نفسي بحلم
انا فعلا مش بحلم دي صورة يوسف متأكده كان مكتوب عليها تاريخ من اربع سنين فاتوا ....
لكن اتصدمت لما لقيت تحت الصورة مكتوب 😲🙀......

الخامس والاخير من هنا




وضع القراءة :
حجم الخط
+
16
-
تباعد السطور
+
2
-