لقاء الروح الجزء الثالث

لقاء الروح
الجزء الثالث
بقلم/غادة سعيد 

فاكرة محمد جارنا الي فالشقه القديمه كلم باباكي وعاوز يتقدملك....
لا يا ماما انا مبفكرش فالخطوبة دلوقتي لما اخلص جامعتي الاول... 

_ هو جواز يعني دي خطوبة لحد ما تخلصي الجامعه وبعدين محمد شاب كويس جدا ومكافح ولا انتي في حد في حياتك لو فيه قولي متتكسفيش.... 

= حد مين ياماما لا طبعا 
مقدرتش احكيلها حاجه خصوصا اني لسه مش عارفه انا هعمل ايه.... 

_ انتي حرة خليكي كده قاعدة وكل اصحابك مخطوبين 

سابتني وخرجت برة 
اتصلت ب يوسف وحكيتله علي الي حصل.. 

_ يعني ايه يا ليلي ازاي مقولتيش ل مامتك عليا.... 

انا قولتلك لو فيه اي مشكله فيا قوليلي وانا هبعد انتي الي كملتي بمزاجك انا اتعلقت بيكي وانتي شكلك كده بتلعبي 

= لا طبعا انا كمان اتعلقت بيك بس لسه مش عارفه هقولهم انا اتعرفت عليك ازاي وارتب كلامي ..... 

_ الكلام مش محتاج ترتيب ياليلي خلاص احنا نتقابل بكرة ونتفق مع بعض.... 

= ماشي... 

اتفقنا عالمكان والميعاد والمرة دي اهتميت ب نفسي ولبسي لبست دريس شيك وحطيت ميك اب وعملت شعري .... 

اول ما شافني بقي يبصلي ومش بينطق ولا كلمه ... 

اول كلمه قالهالي... 

_ انتي ازاي حلوة كده.... 

اتكسفت ومردتش ارد عليه ...
دخلنا كافيه وقعدني الاول علي الكرسي وهو قعد بعدي.... 

بس انا لاحظت فيه طريقته انه جنتل جدا مش باين علي شكله ولا اسلوبه فالكلام انه من عيلة فقيرة خالص.... 

او انا الي شيفاه حلو بزيادة....
جماله حقيقي مغطي عليا بس انا نفسي اسأله الي في رجله ده من ايه بس خايفه اجرحه بالكلام لأنه ممكن مايكنش حادثه ....
وهو مولود كده 

_ ها تشربي ايه.... 

= لا ولا حاجه 

_ لا طبعا لازم تشربي 

= خلاص نيسكافيه... 

_ انا كمان هاخد نيسكافيه زيك.... 

ممكن بقي تقوليلي محكيتيش ليه عليا ل مامتك.... 

= والله زي ما قولتلك كنت عاوزه ارتب الكلام هقولها اتعرفت عليك فين عالنت دي مستحيل توافق تقابلك 

_ خلاص قوللها اي حاجه قوللها اني زميلك فالجامعه... 

لا بس احنا من عيلة محافظه وانا مليش زمايل شباب.... 

طيب اديني رقمها وانا هتصرف ملكيش دعوة 

= لا مش هينفع طبعا لازم اعرف هتقولها ايه عشان ابقي مجهزة كلام 

_ ليلي انتي شكلك بتتهربي مني وانا نيتي مش وحشه انا عاوز اكلم اهلك وانتي الي بتتهربي.... 

= يوسف انا بحبك.... 

_ بت.... ايه ...
اخيرا نطقتي وقولتيها ياشيخه دوختيني معاكي بقي.... 

= طيب هتكلم ماما تقولها ايه .... 

_ هقولها اي حاجه انشاله اني شوفتك فالشارع وعجبتيني وفضلت ماشي وراكي وخدت رقم مامتك من اي حد عشان عاوز اخطبك.... 

متقلقيش والله هاتي انتي بس الرقم 

_ خده اهو مع اني خايفه منك شكلك هتعملي مشكلة....
كلو يهون علشانك 

_ كان فين الكلام الحلو ده من زمان دوختيني معاكي مفيش كلمه حلوة بتطلع منك.... 

فجأه لقيته مسك ايدي .. شيلتها بسرعه... 

_ يوسف انت بتهزر احنا حوالينا ناس.... 

= انا اسف والله بس دي حاجه لا إراديه... 

_ طب ممكن اروح بقي عشان اتأخرت.... 

= خليكي قاعدة شوية ملحقناش نقعد مع بعض 

_ لا معلش عشان ماما متعملش مشكله.... 

ركبني تاكسي وروحت وانا جوايا احساس غريب مش عارفه انا فرحانه ولا زعلانه وايه رد فعل ماما.... 

دخلت الاوضه لقيته بيتصل بيا.... 

_ ايه وصلتي 

= اه من شويه... 

_ مال صوتك.... 

= مفيش بس خايفه شويه من رد فعل ماما ... 

مش قولتلك متقلقيش يا حبيبتي مش هدخلك خالص فالموضوع... 

عارفه انا مش هنام اصلا عشان الصبح يجي بسرعه واكلم مامتك واقولها اني بموت فيكي.... 

= ولا انا جايلي نوم خالص 

_ طيب خلاص نتكلم للصبح.... 

= طيب قولي انت طلعتلي منين ووصلتلي ازاي 

_ والله صدفه انا لقيتك والدنيا كلها كانت مقفله فوشي ربنا بعتك ليا عشان تنوريلي حياتي.... 

_ الي انت كنت مرتبط بيها قبلي كنت بتحبها... 

= مش هكدب عليكي واقولك محبتهاش انا حبيتها و جدا كمان بس عاوزك تتأكدي ان مفيش غيرك دلوقتي في حياتي انا محيتها من حياتي يمكن حتي لما اشوفها معرفهاش ولا عاوز اعرفها تاني.... 

_ طيب معلش هقفل معاك عشان ماما بتنادي وممكن معرفش اتكلم تاني... 

= ماشي ياحبيبتي وانا ان شاء الله هكلمها بكرة عالضهر كده 

طلعت برة ل ماما اشوفها عاوزه ايه.... 

_ ها يا ليلي فكرتي.... 

= فكرت ف ايه.... 

_ فالعريس.... 

= لا ياماما ومش هفكر .... 

_ انتي حرة خليكي قاعده في وشنا كده.... 

دخلت جوة الاوضه وخوفت اتكلم تاني لا تدخل عليا الاوضه وتحصل مشكله.... 

بعتله رساله عالفيس بس لقيته قافل النت مع انه قالي مش هينام قولت اكيد نام .... 

تاني يوم صحيت اكلمه تليفونه مقفول .... 

استنيت يكلم ماما برضو مكلمهاش ... 

حاولت اوصله بكل الطرق .... 

اختفي كأنه فص ملح و داب..... 

بقيت هتجنن راح فين معقوله كان بيضحك عليا .... 

فكرت اروحله العمارة الي قالي انه ساكن فيها وكانت المفجأه
يتبع...



وضع القراءة :
حجم الخط
+
16
-
تباعد السطور
+
2
-