البيت القديم الجزء الرابع

البيت القديم
الجزء الرابع
بقلم / غادة سعيد

الباب اتفتح لوحده ولقيت قدامي كائن شكله مخيف ل ابعد الحدود وشه العضم باين منه ولحم وشه بيقع وعينه لونها احمر

_ انت انت مين ودخلت هنا ازاي

_ انت الي فتحت النار علي نفسك وشوف بقي هتتصرف ازاي....

فجأه لقيت بابا بيصحيني م النوم....

_ احمد احمد اصحي مالك يابني انت بتنازع وانت نايم ونفسك كان مكتوم...

_ حلمت ب كابوس فظيع يابابا...

_ طيب اصحي اتأخرت عالشغل....

_ لا يابابا انا تعبان ومش رايح النهاردة الشغل انا هروح ازور مرات عمي وبنتها....

_ غريبه يعني بقالك كتير مرحتش اشمعنا النهاردة

_ اصل هاجر كلمتني وزعلانه ان انا مش بروح ازورهم قولت اروحلهم النهاردة.....

_ طيب يابني ابقي سلملي عليهم انا كنت لسه عندهم امبارح وبروحلهم كل اسبوع....

قومت قعدت شويه كنت بستوعب ايه الي شوفته دا بس اكيد من عقلي الباطن شكلي فكرت في كلام الشيخ كتير خلاني احلم ب كابوس....

قومت فطرت ولبست ونزلت رحت عند هاجر ومرات عمي.....

خبطت عالباب....

فتحتلي واحده زي القمر شعرها لونه اسود وطويل ولابسه فستان اسود

_ انتي مين...

_ في ايه يااحمد مالك انا هاجر

_ هاجر مين بنت عمي الصغيرة الي كنت بضربها علي قفاها...

_ ههههههه اه مانت لو بتيجي كنت هتعرف ان الصغيرة كبرت

ادخل عشان الغدا جاهز....

شكلها اتغير تماما عن ما كنت شايفها اخر مرة بقت زي القمر....
وروحها حلوة وبتضحك علي طول برغم الحزن الي جواها

خلصنا اكل ومرات عمي دخلت تعملنا عصير....

_ ها عاملة ايه ياهاجر فالجامعه بتاعتك

_ كويسه الحمد لله فاضلي سنه واخلص

_ ياااه الايام بتجري بسرعه اوي...

ضحكت ضحكه سحرتني وخليتني مش عارف اشيل عيني من عليها...

_ بس انت قولي بقي ايه الي فكرك بينا وخلاك حنيت علينا وزورتنا.....

_ لا منا هزوركم الفترة الجايه كتير عشان اشوف القمر الي بيطلع بالنهار

لقيتها اتكسفت ودخلت جوه...

انا كنت مغفل اوي معقوله تكون قدامي بنت عمي واروح ادور علي عروسة بره

طلعتلي بالعصير وطلبت منها نبقي نخرج مع بعض مرة...

_ ماشي شوف انت فاضي امتي وكلمني.....

لقيت التليفون بتاعي بيرن وصوط بابا عالي ...

_تعالا بسرعه يااحمد الاوضه بتاعتك بتولع

سيبتهم وطلعت اجري بس علي ما وصلت كانت اوضتي اتفحمت

_ ايه ال حصل للاوضه يابابا

_ والله يابني احنا كنا تحت ولسه واصلين لقينا اوضتك لوحدها بتولع اكيد حصل ماس كهربائي

_ ماس في اوضتي بس

_ الحمد لله انها موصلتش في باقي الشقه
ومش مهم انت تنام في الاوضه الفاضية مؤقتا لحد ما نرجعلك اوضتك زي ما كانت.....

دخلت اريح شويه لقيت هاجر بعتالي رسالة

كتابات ل ghada saeed

_ انت كويس

_ اه الحمد لله

حكيتلها علي الي حصل.....

واستأذنتها عشان انام شوية عشان تعبان.....

نمت ولقيت عمي جايلي فالحلم وبيقولي ....

_ اظن انت عرفت انا فيا ايه ....

انا روحي مش مرتاحه وعايزك تساعدني...

انا يا احمد منتحرتش زي ما الناس فاهمه هما الي اذوني وبانت انها حادثه انتحار .....

اوعي يا احمد البيت يتهد قبل ما تعمل ااي هطلبه منك والي هطلبه منك ده لازم حد من دمي ومن صلبي هما الاتنين يعملوه....

_ تقصد مين

_ انت وهاجر بنتي....

_ طيب قولي اعمل ايه...

فجأه لقيت ماما بتصحيني

_ قوم يااحمد العشا جاهز

_ ليه ياماما صحتيني بس مكنتش عايز اصحي دلوقتي انا مش عايز اكل يا ماما بعد اذنك

_ براحتك يا احمد

حاولت انام تاني لكن خلاص النوم طار من عيني

اتصلت ب هاجر

_ ازيك ياهاجر انا اسف بكلمك في وقت متأخر

_ لا يا احمد متقولش كده انت زي اخويا....

اخوكي!!!!!!!

طيب المهم انا عايز اقابلك بكرة ضروري..

هاجي اخدك من تحت البيت عشان عايز اتكلم معاكي شوية

قفلت معاها التليفون ولقيت مصطفي زميلي فالموقع بيكلمني وقالي حاجه مكنتش عاملها حساب
يتبع ......
الخامس والاخير من هنا





وضع القراءة :
حجم الخط
+
16
-
تباعد السطور
+
2
-