البيت القديم الجزء الثالث

البيت القديم
الجزء الثالث
بقلم/ غادة سعيد

لقيت الكراسه والكتاب الي انا راميهم عالارض مش موجودين ...

بقلب فالكتب لقيتهم رجعوا في مكانهم وكأني مش راميهم ب ايدي عالارض

انا متأكد ان مستحيل حد يجي جنبهم كل الي فالموقع كانوا خايفين يجوا جنب البيت بتاعنا....

اخدت الكراسه وحطيتها في جيب الجاكيت بتاعي وخرجت برة بسرعه وكنت لسه بفتح الباب لقيت عم محمد في وشي علي باب البيت...

_ باش مهندس احمد!!!!!!!!!!!

انت ايه الي دخلك هنا...

_ مفيش اصل .... اصل انا جيت بدري قولت ادخل اتفرج عالبيت دا اصله شكله عاجبني.....

_ عاجبك ايه بس دا بيت ملعون ومسكون ب روح شخص انتحر جواه.....

_ ياعم انت بتصدق الخرافات دي

_ ومصدقش ليه بس دا كل الناس بتتكلم عالبيت دا .....

سيبته ودخلت المكتب بتاعي وبحط ايدي في جيبي اطلع الكراسه....

لقيت العمال والموظفين وصلوا ...

دخلتها في جيبي تاني وقولت هبقي افتحها فالبيت ....

كملت الشغل عادي وانا مستني اليوم يخلص عشان اروح واشوف ايه جوة الكراسه......

خلصت الشغل و روحت البيت وانا راجع فالسكة جاتلي رساله عالواتس من هاجر بنت عمي....

بتسلم عليا وزعلانه ان انا مش بسأل عليها ولا علي مامتها...

بالمناسبه هاجر بنت عمي عندها ٢٠ سنه بتدرس فالكليه....

اتصلت بيها.....

_ الو ... ازيك يا هاجر انا اسف والله مشغول شويه انا عارف اني مقصر في حقكم

_ انا زعلانه منك يا احمد دانت الي باقيلي من ريحة بابا الله يرحمه ليه مش بتسأل عليا ولا بتيجي تزورنا انت داخل علي اربع سنين مدخلتش بيتنا

_ انا اسف والله هجيلكم قريب.....

وقفلت التليفون......

روحت البيت ودخلت اوضتي بسرعه وحاولت افتح الكراسه لكن القفل مش راضي يفتح .....

مسكت شاكوش وكسرته وبالفعل فتحتها......

اول صفحة فيها رموز مش مفهومه ...

والباقي كلام مش مفهوم برضو.....

كان ساعتها المغرب بيأذن نزلت اصلي فالجامع وخدت معايا الكراسه لا حد يشوفها......

الجامع الي بصلي فيه كان فيه شيخ معروف انه بيفك الاعمال وبيفهم فالسحر والكلام ده ....

حسيت انه ممكن يقدر يساعدني ب اي حاجه.....

استأذنته بعد الصلاه ان  انا عاوز اتكلم معاه شوية .....

حكيتله كل الموضوع من ساعة ما عمي انتحر لحد ما لقيت الكراسه

_ بس بس متقولش انتحر عمك منتحرش عمك اتأذي

_ يعني ايه

_ عمك دخل في سكه وحاجات هو مش قدها....
عمك سخر (مخم) ملك الجان بنفسه ....

_ بس عمي ملوش فالسكك دي خالص دا مكنش بيسيب فرض...

_ هو من الكلام الي موجود قدامي انه كان بيحاول يساعد حد لكنه للأسف آذي نفسه من غير ما يحس....

_ طب الكلام ده معناه ايه .....

_ انت بس الي هتقدر تفهم معناه  مش بتقول انه جالك فالحلم استني هيجيلك تاني وهتوصل ل حاجه بس الاكيد انه محتاجك.....

مشيت و روحت البيت وانا في حيرة يا ترا احكي ل بابا الكلام دا ولا مشغلش دماغه.....

قررت اني مش هحكي حاجه دلوقتي.....

دخلت اوضتي ارتاح شوية وقولت اتصل ب هاجر اتطمن عليهم عشان اروح ازورهم....

_ ازيك ياهاجر عاملة ايه....

_ انا بجد مش مصدقه اني جيت في بالك واتصلت بيا تسأل

_ معلش والله بقالي كام يوم عندي ضغط شغل....

انا عالعموم هاجي ازوركم بكرة

_ بجد هتيجي...

_ اه بجد...

_ طيب هنستناك عالغدا متتأخرش .....

قفلت التليفون ونمت .....

فجأة لقيت باب اوضتي بيخبط بصوت عالي اتنفضت من مكاني ....

الباب اتفتح لوحده ولقيت....

يتبع

الرابع من هنا





وضع القراءة :
حجم الخط
+
16
-
تباعد السطور
+
2
-