تبادل الارواح الجزء الاول

 انا رفيق عندي ٤٠ سنة اتخرجت من جامعة اوكسفرد وخلصت دراستي وهناك كان ليا صديق اسمه جاك 


 طول فترة دراستي كان عنده حلم صغير وكان بيشتغل  عليه لحد ما مات في ظروف غامضة ....


 قررت ارجع مصر  بعد ما جمعت كل المذاكرات بتاعة جاك لاننا كنا عابشين في بيت واحد ...جاك اول


 مانزلت انجلترا  كان بيبع ايس كريم  اشتريت منه ايس كريم وبدأت اتكلم معاه اني جيت علشان ادرس


 ومحتاج شغل ومكان للسكن وعلي عكس  الامريكان في طبعهم قالي ان ممكن اشتغل معاه بالتناوب وكمان


 اسكن معاه في مكان سكنه ولانه كان عنده حلم  وانا كمان كان عندي حلم ادرس واعمل كرير


 وفلوس  ....جاك كان شخصية غريبة جدا كان شغال علي مشروع غريب ويمكن اول مرة اشوف حاجة زي


 كده بأختصار هو ان الروح عبارة عن طاقة وان لو قدرنا نتحكم في الطاقة دي وننقلها من جسم لجسم


 ممكن نعمل طفرة في العالم .....اما انا كانت دراستي في السيكولجي (علم النفس ) وتحليل الشخصيات من خلال لغة الجسد ....


كنت كل يوم الصبح انزل الجامعة وارجع اشتغل علي عربية الايس كريم وجاك كان بيشتغل علي مشروعه 


فضل الحال كده لحد ما في يوم رجعت لقيت جاك مات وعينه كانت مفتوحة وعلي وشه علامات الفزع


 ولما بلغت الشرطة وبعد الكشف الطبي سبب موته انه اتعرض لصدمة كبيرة وحصلتله سكتة قلبية ...


 بصراحة معرفش اي حد غيره وكنت متضايق من القعدة لوحدي فقررت أرجع مصر  واخدت مذكراته


 وبعض الاجهزة الي كان بيعمل عليها تجاربه وببعت عربية الايس الكريم ولان خلصت دراستي قررت ارجع


 وافتح عيادة استشارات نفسية وفعلا بدأت في العمل 

وبدأت اشتغل عدي شهر وانا بمارس وظيفتي وبعالج


 ناس كتير ونسيت جاك ومذاكراته .....في يوم كنت نايم في العيادة من كثر التعب وغفلت شفت جاك


 بيقولي اني لازم اكمل مشواره وانه حلم حياته واني اقدر اساعده انه يرجع للحياة تاني وانه مات مقتول


 مش بسكتة قلبية وانه اتعرض للتهديد وعشان كده لازم ارجع واقرأ كل مذاكراته وانا هفهم كل التفاصيل


كان عندي مريض لكن اعتذرت ورجعت البيت بسرعة 

وقعدت أقرا في المذكرات بتاعة جاك  ... كلام عادي


 بيحكي عن طفولته وان والده كان بيمتلك موهبة غريبة وانه ورث الموهبة دي من والده ....كلام عادي


 بس لفت نظري  ورقة قديمة متهالكة في وسط مذكراته عنوانها تبادل الارواح .......


يتبع 

تبادل الارواح 

بقلم شيرين عادل 

الجزء الاول




وضع القراءة :
حجم الخط
+
16
-
تباعد السطور
+
2
-