صانعة الماضي بقلم نهي الشيخ

صانعة الماضي

الجزء الاول

واخيراا انا في الكلية.. قد ايه كنت مرتبكة وفرحانه وقد ايه حاسه انها هتبقي بدايه جديده لحياه تانيه انسي بيها قسوه الماضي...... 
انا ايمان عندي ١٨ سنه من اسره فقيره بس مكنتش دي المشكله
انا عندي سر في حياتي علي قد ما عنيت بسببه علي قد ما كان هو الحافز اللي خلاني اوصل واكمل تعليمي وادخل كليه الالسن
_ اكيد انتي سنه اولي لسه.. َشكلك مرتبك
= اه فعلا
_ انا كمان سنه اولي بس لتاني مره تقدري تعتبريني معيده ههههه انا هناء
= اهلا بيكي انا ايمان
_ طب تعالي معايا بقي اعرفك علي الشله بتاعتي دول شويه عيال ايه هيعجبوكي اوي
= شله... لا شكرااا انا مليش في جو الشلل ده سامحيني

فضلت هناء تطاردني ومصممه انها تبقي صحبتي وانا بروح بعد المحاضرات علطول
بس بعدين قربت منها وبقت صحبتي جدااا بس برده مردتش اتعرف علي الشله بتاعتها
وفي يوم حصل اللي مكنتش ابداا حباه
تعبت جدااا وحسيت بدوخه وهناء صممت توصلني لحد البيت
_ كفايه لحد هنا يا هناء بتنا اهو اللي هناك ده
= لا طبعا لازم اوصلك لحد فوق واتعرف علي مامتك واخواتك اوعي تكوني فكراني من المعادي يا بت ده انا من امبابه يا حبي ههههههه
طلعت هناء معايا فوق والحمد لله مكنش في حد فوق غير ماما وهي ست اميه بسيطه استقبلتها بكل ترحاب وانا كان نفسي الصراحه تمشي بسرعه بس اتفاجأت بماما بتقولها
_ والله لا انت متغديه معانا انا عامله صينيه مسقعه انما ايه
= مسقعه ايه بس يا ماما هناء ساكنه في شبرا والمسافه كبيره من شبرا لحلوان
__ انتي مالك انتي بتتكلمي علي لساني ليه؟؟ انا بموت في المسقعه يا طنط
مبقتش عارفه اقول غير حاجه غير اني فضلت ادعي ربنا يستر ويعدي اليوم ده علي خير
وقعدنا واكلنا وبعد الاكل حصل اللي كنت خايفه منه.......

يتبع...

صانعة الماضي
الجزء الثاني
بقلم /نهي الشيخ

لقيت بابا نازل من فوق السطوح وهو بيزعق زي عادته وبيقول حضريلي الاكل يا ولية.....
مبقتش عارفه اروح فين ولا اجي منين والظاهر ان هناء فهمت انا كنت عاوزه اخبي ايه وكنت عوزاها تمشي ليه فلقتها فجأه ارتبكت واستأذنت ومشيت....

_ شفتي يا ماما كان لازم تمسكي فيها يعني.... حرام عليكي

= ماهو الحمد لله ما حصلش حاجه اهو وصحبتك مشيت متغديه ومتهنيه ٢٤ قيراط

_ ايه اللي انت بتقوليه ده بس كفايه جوزك نازل بالشيشه وريحه الزفت اللي بيشربه ده ماليه المكان..

= متكبريش الموضوع يا ايمان محصلش حاجه واكيد صحبتك مخدتش بالها

_ انت علطول كده مبسطه كل حاجه مش كفايه اللي انا شفته في البيت ده.... حرام عليكي بجد... انت السبب في كل ده

= انا السبب برده يا ايمان...... ليه كده مش كفايه بشتغل طول عمري علشان اصرف عليكي واعلمك

_ اه تصرفي عليا وعليه... وتوفريله تمن الزفت اللي بيشربه ياريتك ما عملتي كده ليه ماثورتيش علي الوضع ده ليه ما اختنيش وهربتي في اي حته..... ليه؟؟

_ اهرب فين بس يا بنتي هو في حد بيهرب من نصيبه ده مكتوب علينا

= لا يا ماما ربنا مبيكتبش علينا الظلم والهوان احنا اللي بنظلم نفسنا

_ حرام عليكي متشيلنيش زنبك.... انا شفت الزل علشانك
= الزل.... الزل ده انا اللي شفته واستحملته.... ياما كنت بعيطتلك بالدموع واشتكي لك منه ومن تصرفاته وانه كان بيصحيني بليل والاقيه بيعمل حاجات غريبه وانت ولا انت هنا تقوليلي ده شارب ومش حاسس بحاجه....

_ اسكتي يا بت حتفضحينا ايه لازمته الكلام ده دلوقتي

= اه فعلا ملهوش لازمه وحاضر هسكت بس لازم تعرفي اني مش مسمحاكي انت كمان لانك السبب في كل اللي انا فيه ده

انتهي الحديث مع ماما زي كل مره بعياطها والدعاء علي نفسها وانا قعدت اعيط على نفسي وعلي اللي حصل واللي لسه هيحصل طول ما انا عايشه في البيت ده.

ومرحتش الكليه يومين بعدها لاني مكسوفه اشوف هناء بعد اللي حصل مع انها كانت بتبعتلي علي الواتس عادي ولا كان في حاجه وبتسالني ليه مجتش الكليه دي كمان عرضت انها تجيلي تاتي تديني كشكول المحاضرات بس انا رفضت وقلتلها اني نازله خلاص الكليه...

_ ايه يا بنتي... حبه دوخه تقعدي علشانهم يومين بحالهم من الكليه

=انا نزلت بس علشانك يا هناء... لانك بجد وحشتيني

_ بصي بقي يا جميل دلوقتي في معيد بيدينا كورس محادثه لاكتر من لغه بنبقي جروب وبنقعد نتكلم علشان نحسن النطق ومهاره الاستماع.... وعلي فكره انا علشان جبت ٥ من صحابي للكورس المعيد خلاني اختار حد معايا اكون انا وهو مجانا... وطبعا انتي معايا في الحوار ده...

_ هناء انتي بتقولي ايه بس... انا الصراحه بعد ما جيتي البيت عندي وشفتي الوضع اللي انا فيه كنت متخيله انك مش هتعرفيني تاني...

= هههههه ايه يا بنتي افلام الابيض واسود اللي انتي عايشه فيها دي وبعدين مافيش حد بيختار اهله يا ايمان احنا كلنا في للاول والاخر ولاد تسعه

_ انتي مش عارفه حاجه يا هناء انا مش بتكلم علي الفقر لان اكيد ده كان باين علي لبسي انا بتكلم عن حاجات لو عرفتيها اكيد هتغيري رايك ده خالص

= انا مليش دعوه بكل اللي بتقوليه ده انا ليا دعوه بيكي انت وباخلاقك واسلوبك اللي انا بموت فيه ده... ربنا يخليكي ليا حبيبتي

_ ربنا يخليكي ليا انت..... بجد انا مش عارفه اقولك ايه....

= قوليلي انك موافقه وهتيحي معايا الكورس

_ اكيد هاجي......

وفعلا رحت الكورس مع هناء ومن اول يوم في الكورس حصل حاجه غريبه كانت السبب في تغير حياتي كلها ١٨٠ درجه.....
يتبع
ارفعوا البوست بعشر تعليقات عشان اكملصانعة الماضي
الجزء الثالث
بقلم/نهي الشيخ

كل البنات اللي في الكورس بما فيهم هناء لابسين لبس شيك ومهتمين بنفسهم جداااا
شكلي وسطهم كان مميز بهدومي البسيطه ومظهري الباهت وقلت لنفسي اكيد هو ده اللي مخلي المعيد مركز معايا طول الكورس ولا يمكن علشان انا اللي جايه مجانا......
وفي نفس اليوم لقيت هناء بتكلمني وبتقولي......
_ ايمان... تصوري كمال قعد بعد الكورس يسألني عليكي بشكل غريب
= كمال مين يا بنتي
_ اللي بيدينا الكورس انتي بتهزري.... مش عارفه اسمه
= ايوه يعني بيسالك عني ليه بقي
_ شكله كده معجب بيكي.... ايوه ياعم الصراحه هو مز والبنات كلها بتكراش عليه
= ايه اللي انتي بتقوليه ده...... بتكراش يعني ايه معحبين بيه يعني
_ اه يا ختي متستعبطيش فيها.... الصراحه هو مز
= بطلي يا هناء التهريج بتاعك ده هو يعرفني اصلا ولا شافني غير مره... وبعدين واحد زيه هيبص لواحده زي ليه
_ بقولك قعد يسال عنك وعاوز يعرف كل حاجه عنك بس انا مريحتهوش
= وبعدين....
_ ولا قبلين.... عاوز يشوفك في مكتبه الكلية بكرة
= وانت رايك ايه..
_ روحي طبعا مش ممكن يكون عاوزك في حاجه مهمه... انا الفضول هيموتني
= طيب يا هناء..... اما اشوف اخرتها ايه

رحت انا وهناء مكتبه الكليه في المعاد وكان كمال هناك قبلنا
بعد ما سلمنا عليه طلب من هناء انها تسبنا لوحدنا واول كلمه قالهالي....

_ ايمان انت عملة نادرة

=شكرااا بس حضرتك.....

_ عارف هتقولي ايه اني مشفتكيش غير مره ومتكلمتش معاكي.... بس انا عاوز اقولك اني بقدر افهم الناس كويس تقدري تقولي فراسه او طول خبرة

= شكرااا لحضرتك تاني بس ممكن اعرف حضرتك عاوز ايه مني

_ بصراحه كده وبدون مقدمات انا عاوز اتجوزك وماتقوليش اننا منعرفش بعض لان انا بالنسبالي هقولك كل حاجه وبعدين قرري

= بس حضرتك كمان متعرفش انا مين واهلي مين مش ممكن لما تعرف تغير رايك

_ انا مش عاوز اعرف اي حاجه لان ده مش هيغير شئ انا معجب بيكي انت ومتاكد من اختياري انت اللي زيك عمله نادره ومش موجوده اصلا ...

روحت بعد ما كمال حكالي فعلا كل حاجه عنه وعن عيلته الكبيره وفعلا انبهرت بيه وباسلوبه قد ايه كلامه مريح ومنظم وقد ايه هو انسان مهذب وحساس وابن ناس فعلا.....
بس كنت مضايقه لاني لازم ارفضه واقفل الموضوع ده خالص ومش عارفه هعمل ايه
اول حاجه عملتها بعد ما اتخانقت مع ماما وبابا زي كل يوم علي نفس الهم والقرف اللي في البيت وبعد ما بابا طلع فوق السطوح وماما نزلت المستشفي اللي بتشتغل فيها عامله نظافه واللي ساعات بتنزل الصبح وساعات شغلها بيقي بليل....
كلمت هناء وحكتلها كل حاجه حصلت وحكتلها كمان علي بابا وماما وظروف اهلي اللي هتخلي اي حد يتقدملي يهرب ما بال كمال بشكله ومنصبه وعيلته الكبيرة دي .....
_ سيبك من كل الكلام ده انا شايفه انك لازم تحكيله كل حاجه وهو لو فعلا عاوزك مش هيهمه
= انتي بتقولي ايه يا بنتي... ليه يعني هو بيحبني ولا بيعرفني حتي ايه اللي ممكن يخليه يستحمل كل ده ويناسب عيله تعر الصراحه
_ برده لازم تحكيله وهو يقرر مش هو قالك انه مش فارق معاه عيلتك ولا اي حاجه عنك خلاص قوليله بقي
= هو بيقول كده علشان مفكرني اني فقيره لان ده اكيد واضح عليا لكن المصيبه الكبيره اللي عندي دي استحاله حد يستحملها انا ابويا يا هناء مش بيفوق وحاله في منتهي القرف استحاله حد عاقل يوافق علي الوضع ده ويخلي انسان زي ده جد لأولاده
_ انا شايفه انك معندكيش حاجه تخسريها... بالعكس انتي ممكن تكسبي نفسك وتنشليها من البيئه دي خالص يمكن ربنا بعتلك كمال علشان تعملي مستقبل ليكي مختلف عن الواقع المرير ده
= انا مش عاوزه اعمل مستقبل يا هناء انا عاوزه اعمل ماضي جديد...
قفلت مع هناء وكلامها بيدور في دماغي وفجأه نزل حمو الولد اللي عايش فوق السطوح...
_ انسه ايمان... الحقي ابوكي
= ماله بس... ايه مات
_ لا... مات ايه بس انا عملتله خلطه جديده ما انتي عارفه ده انا عامل فوق السطوح معمل انما ايه...
= انت هتحكيلي قصه حياتك.... متخلص وتقول ماله ايه اللي حصله
_ مش عارف اغمن عليه ومش عارف يتحرك ولا يتنفس

= اغمن عليه...... يارب يموت يا شيخ علشان اخلص واقولك يارب تموت انت كمان... يالابقي علشان عاوزه اقفل الباب وانام...
نمت وتاني يوم نزلت الكليه ماشغلتش بالي باللي حصل لبابا لان كذا مره يحصل كده ويرجع ولا كأن في حاجه
قابلت كمال وحكتله كل حاجه علشان اخلص بقي يرفص واخلص من الموضوع ده كله
بس الغريب انه ابتسم ابتسامه عمري ما هنساها وقالي
انه مايهمهوش كل ده وانه متمسك بيا اكتر من الاول وانه شاريني
وفضلت انا وكمال نتكلم لمده اسبوع وفي الاخر قلتله انا موافقه علي الجواز بس بشرط واحد.......
يتبع
ارفعوا البوست بعشر تعليقات عشان اكملصانعه الماضي
الجزء الرابع
بقلم/نهي الشيخ

_ انا موافقه علي الجواز لكن بشرط واحد

= أامريني يا ستي

_ اتجوز من غير اهلي ما يعرفوا..... انا مش عاوزه يبقي ليا اي علاقه بالعيله دي تاني وتقدر تقول لاهلك اني يتيمه وماليش حد

= ايوه بس اهلك ممكن يدوروا عليكي وسهل يوصلولك من هنا في الكليه

_ لا متقلقش ولا حد هيسال عليا ولا حد ببهتم بيا اصلا غير امي ودي قليله الحيله هما اصلا ولا يعرفوا انا في كليه ايه ولا عمرهم اهتموا انهم يعرفو وماما انا هقولها اني هتجوز واسافر بره مصر علشان تنساني خالص

= انا بس....

_ ايه خايف من اهلك يرفضوا

= لا خالص انا اهلي نفسهم اني اتجوز باي شكل وعمرهم ما هيعترضوا علي اي اختيار ليا

وفعلا كل حاجه حصلت زي ما خططتلها بالضبط وفهمت ماما اني هسافر بره اشتغل في الكويت واني هبقي ابعتلها فلوس وقلتلها متقولش حاجه لبابا ولو سأل عليا تقوله اني هربت وسبت البيت

وقبل الفرح بأسبوع مشيت من البيت فعلا وقعدت في الفندق اللي كمال حجز فيه الفرح وهناء كل يوم كانت بتيجي تقعد معايا ماسبتنيش لحظه

_ بصي يا عروسه انا صحيح معاكي في كل خطوه بس انا مش موافقه علي اللي عملتيه ده

= هناء انتي مش عارفه حاجه انا كان لازم اهرب من البيت من زمان بس مكنش ينفع.... كنت هروح فين بس

_ بس ازاي اهلك يبقوا بعيد عنك في يوم فرحك ده اقل حق ليهم مهما حصل

= مش لما يبقوا اهل بجد.... انا بابا حاول اكتر من مره انه يعتدي عليا يا هناء وماما للاسف عرفت ولا عملت اي حاجه راضيه بالزل والاهانه..... واللي انت متعرفهوش انه كمان كان عاوز يشغلني اي حاجه علشان اجبله فلوس.... عارفه اي حاجه يعني ايه يا هناء

_ طيب بس يا حبيبني بالله عليكي كفايه عياط...

= اوعي تفكري اني فرحانه بالوضع اللي انا فيه ده بس معنديش للاسف حل تاني

_ انا اسفه والله بس انا كمان خايفه من اهل كمال

= ليه بتقولي كده انتي شفتيهم يوم ما اشترينا الشبكه كانوا كويسين جدااا وعاملوني كويس

_ ايوه ماهو ده اللي انا استغربت منه يعني ماسئلوش علي اهلك و َلا اهتموا انهم ما جوش طلبوكي في بيت زي الناس واول مره يشوفوكي كانت في محل الدهب

= انتي هتقلقيني ليه يا هناء.... اكيد كمال مفهمهم اني مقطوعه من شجره واني مغتربه وقاعده في بيت الطلبه زي ما قالي

_ يا بنتي مش بقلقك ولا حاجه بس مش عارفه ليه الموضوع كله غريب بالنسبه لي

=انا معنديش حاجه اخسرها يا هناء كل اللي انا عوزاه منك ان باباكي يجي يشهد علي عقد الجواز علشان احسن ان ليا حد

_ طبعا حبيبتي انا وعدتك... ربنا يكتبلك السعاده ياااااارب

قبل الفرح بيوم واحد كمال اتصل بيا وقالي انه تحت في الفندق وعاوزني ضروري

_ ايه الموضوع المهم اللي خلاك تيجي دلوقتي يا كمال

= حاجه لو عرفتيها ممكن ما تقبليش انك تتجوزيني

_ حاجه ايه....؟؟

= انا.......

_ كمال متقولش حاجه مهما كان الموضوع اللي هتقوله ما يهمنيش اعرفه ومش هيغير حاجه في الموضوع

= متأكده يا ايمان

_ ايوه طبعا بس ان شاء الله لما نبقي في بيتنا لازم تقولي كل حاجه

_ متتصوريش كلامك ده اسعدني قد ايه وانا اوعدك ان عمرك ما هتندمي علي قرارك ده

سبته ومانمتش اليوم ده ولا دقيقه وقلت لنفسي هو انا ليه ماسبتهوش يحكي... للدرجه دي انا خايفه علي الجوازه وخايفه اي حاجه تحصل وارجع تاني للبيت اللي صدقت اني سبته
بس الفضول هيموتني يا تري ايه هو الموضوع اللي ممكن يخليني ارفض الجواز.... يمكن كان متجوز قبل كده... ولا مثلا ابوه رجل الاعمال الكبير بيتاجر في المخدرات....

افكار كتير كانت بدور جوه بالي بس بعد ما الفرح خلص
ودخلت انا وكمال الشقه قالي لازم بقي اقولك علي السر بتاعي ...... وكانت صدمتي الكبيره
يتبع....


َصانعه الماضي
الجزء الخامس
بقلم/ نهي الشيخ

_ انا لازم اقولك علي السر بتاعي انا كمان... ان مش هقدر اكون اب لاولادك
= يعني ايه يا كمال انا مش فاهمة
_ تقدري تقولي اني مابخلفش
= انت بتقول ايه؟؟
_ زي ما سمعتي كده انا عندي مشكله صحيه تمنعني من الجواز وانا عمري ما كنت هفكر في الجواز
= امال اتجوزت ليه..؟؟
_ علشان اراضي اهلي واعتقد انك قولتيلي انك موافقه تعيشي معايا مهما كان السر
= بس انا عمري ما تخيلت ان دي تبقي المشكله ده انا كل املي ان ابقي ام
= انا هعمل كل ما في وسعي علشان اسعدك واعوضك لكن لازم تعرفي اننا هنعيش زي الاخوات
_ انت بتقول ايه..... طب ماهو اكيد في علاج... الطب اتقدم
= لا... مافيش علاج لحالتي خالص

ومن ساعتها وانا وكمال تقريبا مش بنتكلم كلمتين علي بعض عايشين مع بعض فعلا زي الاخوات
لا...... يمكن الاخوات بيتكلموا وبيتعاملوا مع بعض عننا
وقعدت اقول لنفسي انتي ليه زعلانه بدل ما تحمدي ربنا علي ان بقي عندك عيله جديده محترمه وبقيتي تلبسي احسن لبس وتاكلي احسن اكل....
بس دي مش حياه برده... انا عاوزه احس ان زوجي بيحبني يتكلم معايا يخرج معايا..... يتخانق حتي معايا انما كمال كأنه مش شايفني
وفي يوم وانا بتكلم مع هناء قالتلي
_ انا مش عارفه ايه حظك ده يعني هو لازم يطلعلك في كل خرابه عفريت
= اسكتي بقي متعزنيش في حالي
_ لو مكنتش عارفه ظروف عيلتك كنت قلتلك اطلقي الصراحه حرام واحده زيك تدفن بالحيا كده
= كان نفسي ابقي ام اوووي ياهناء مش قادره اتخيل اني مش هسمع كلمه ماما لما بكون في اي حته واشوف بيبي صغير ببقي نفسي اجري عليه واخده في حضني
عارفه والله لما اشوف ام بتضرب ابنها ولا بنتها ببقي عاوزه اتخانق معاها واضربها انا...

_ يا حبيبيتي انا حاسه ان موضوع مرض كمال ده خلاكي حساسه اووي ناحيه الاطفال

= دي مش حساسيه زياده يا هناء ده حرمان... ربنا ما يكتبه علي حد
_ طب ما تعملوا حقن مجهري العمليات دي بقت سهله وناجحه جدااا

= تفتكري ممكن..... ده كمال محسسني انه استحاله يخلف

_ مافيش حاجه اسمها كده في تحليل وهو اللي يحدد انا اعرف دكتور شاطر جداا بنت خالتي عملت العمليه وجابت بنوته زي القمر
بعد كلام هناء قررت اخد موقف إيجابي ودخلت اهل كمال علشان يقنعوه اننا نروح نكشف ونعمل العمليه انا موافقه اعيش معاه بس يبقي عندي أطفال
كمال وافق وعملت العمليه وربنا كرمني وباقيت حامل في تؤام
كل يوم كان بيعدي كنت بحس بسعاده لا توصف وانا مستنيه املي وحلمي الوحيد انه يتحقق...
اخيرا حبقي ام واولادي هيبقي ليهم عيله كبيره يفتخروا بيها
اخيرا هنسي الماضي وهعيش ايامي واحليها ماهي دي ماضي عيالي.....
وانا في الشهر الخامس حال البلد اتغير كله وبقي في حظر بسبب الوباء اللي انتشر مابقتش اخرج من البيت وكمال كمان
اول كره نقعد مع بعض الفتره دي كلها...... كمال تصرفاته غريبه
بس مكنتش بشغل بالي.... لحد مافي يوم دخلت عليه لقيته منهار وبيعيط
_ كمال..... مالك في ايه انت بتعيط ليه؟؟
بصلي ومردش عليا وعينه حمرا من كتر الدموع
_ في ايه يا كمال متقلقنيش بالله عليك
= ماتت خلاص.... ماتت علشان يرتاحوا
_ هي مين دي اللي ماتت....؟؟؟
رد يا كمال.... في ايه؟؟؟
مكنتش اعرف انه لما يرد علي السؤال ده حياتي كلها هتدمر.......

الجزء السادس والاخير
بقلم /نهي الشيخ

ما ترد يا كمال.... هي مين اللي ماتت

= ساره.... انتحرت بس الحقيقه ان المجتمع هو اللي قتلها

_ ساره مين... يا كمال... اوعي تكون تقصد البت اللي علي الفيس دي... البت الشاذة.....

= انا عارف انك متخلفه زيهم

_ كمال اوعي تكون متعاطف معاها..... بس ثانيه كده انت بتعيط علشانها..؟؟!!!

= ده الوقت اللي لازم تعرفي فيه الحقيقة

_ حقيقه ايه؟؟؟ كمال انت..... ولما انت كده.... اتجوزتني ليه؟؟

= علشان المجتمع رافضني.... اتجوزتك علشان اعرف اعيش في المجتمع المتخلف ده

_ ده مش تخلف يا كمال ده حرام ومن الكبائر كمان

= احنا عمرنا ما هنتفق انا خلاص اخدت قراري ومش هرجع فيه

انا هعلن تضامني الواضح ومش هيهمني انت ولا اسم العيله ولا منصبي في الكليه

بعد الصدمه دي مبقتش قادره اتكلم معاه بقيت شيفاه شيطان قدامي ازاي اتخدعت فيه كده ازاي بيتكام انه علي حق بالشكل ده والكارثه ان في ناس بدافع عن القرف ده وبتقول حريه شخصيه...

مابقتش عارفه اعمل ايه... كل اللي بفكر فيه ان لازم اوقف كمال في اللي بيفكر فيه لازم يفضل اسمه وتفضل سمعته نظيفه علشان اولادي اللي لو كنت اعرف الحقيقه عمري ما كنت هختار اني اجبهم من واحد زي ده

وملقتش حد قدامي غير هناء.... هي اللي ممكن احكلها الخيبه التقيله دي وهي اللي ممكن تساعدني في اللي بفكر فيه.....

_ انا مش عارفه ايه حظك ده والله..... انا مصدومه في كمال....

= امال انا اعمل ايه يا هناء...

_ انا مش عارفه ايه اللي بيحصل ده والله الوباء المنتشر ده من غضب ربنا علينا لان للاسف المجتمع بقي فيه زي ساره وكمال كتير وناس تانيه بتقول حرام دي حريه مدام مش بياذوا حد
بس لا.... لازم الجيل اللي طالع يفهم ويعرف ان ده حرام وليه عقوبه كبيره عند ربنا

= اه طبعا زوجه سيدنا لوط مكنتش بتعمل الفاحشه لكن كانت متقبله الموضوع فربنا عاقبها مع قومه

_ انا مش فاهمه الناس دي بتفكر ازاي....

=انا مش جيباكي دلوقتي علشان نتناقش في الموضوع ونحلله انا عوزاكي تساعديني

_ اساعدك في ايه

= كمال لازم يموت.... لما ولادي يبقوا ايتام من قبل ما يتولدوا ارحم ميه مره من مصيرهم لو كمال كمل في الطريق ده

_ ايه الكلام ده... وندخل انا وانت السجن.... لا طبعا مش ده الحل
عارفه يا ايمان انا سمعت شيخ بيقول ان لازم المجتمع يرفض وبشده وده مش معناه اننا نقتلهم ولا ندفعهم للانتحار... لكن لازم مع رفضنا ده نحاول نعالجهم و ننشر الدين بشكل صح....
ولازم اللي زي كمال يعرف دينه صح ويعرف ان اللي هو فيه ده ابتلاء زي المدمن... ولازم يتعالج

= اللي اتت بتقوليه ده محتاج وقت وخطه وناس تساعدتي فيه وكمال زي ما قلتلك عاوز ينشر الموضوع وبعترف قدام المجتمع

_ روحي لاهله وحاولي توقفيه باي طريقه بس من غير ما تودي نفسك في داهيه...

هناء مشيت وانا قعدت طول الليل افكر في حل للمصيبه دي وملقتش غير حل واحد.....

طلبت من هناء انها تروح عند بيت اهلي وتروح تجبلي الواد حمو اللي ساكن فوق السطوح

ولما جه اتفقت معاه يديلي من الاعشاب اللي كان بيقولي انه اكتشف وهو بيحضر خلطاته الزفت لبابا انها بتسبب شلل مؤقت لمده اسبوع او ١٠ ايام وعطيته مبلغ كبير

وعطيت منها لكمال وفعلا كمال بقي مش بيتحرك وافتكر هو واهله ان ده نفسي

اتفقت مع مامته وباباه علي اننا نعالجه ونحاول نقربه من ربنا ونفهمه وابتدينا مشوار العلاج مع دكاتره نفسين وشيخ من الازهر وللاسف كنت بستمر اديله من الاعشاب علشان اقدر اسيطر عليه....

بس علشان كمال يتعالج لازم المجتمع كله كمان يتعالج... لازم نقول كلنا للخطأ لا مينفعش نتعاطف مع الغلط والحرام...وكمان مينفعش نسكت ونقول احنا مالنا دي حريه......

انا هفضل احاول اصلح الحاضر بكل قوتي علشان اصنع ماضي نظيف وابني مستقبل مشرف.




وضع القراءة :
حجم الخط
+
16
-
تباعد السطور
+
2
-